மத்திய அமைச்சர் மற்றும் திமுக வேட்பாளர் மீது பொய் வழக்கு போடுமாறு தேர்தல் அதிகாரியை வலியுறுத்தும் மதுரை கலெக்டரின் செயல்பாடுகள் குறித்து விசாரணை நடத்தி உரிய நடவடிக்கை எடுக்க வேண்டும் என்று தேர்தல் ஆணையருக்கு திமுக சார்பில் கடிதம் அனுப்பப்பட்டுள்ளது.
தலைமைத் தேர்தல் ஆணையர் குரேஷிக்கு திமுக தேர்தல் குழு உறுப்பினர்கள் பொன்.முத்துராமலிங்கம், கே.எஸ்.ராதாகிருஷ்ணன் ஆகியோர் அனுப்பியுள்ள கடிதத்தில் கூறியிருப்பதாவது:
மத்திய அமைச்சர் மு.க.அழகிரி மற்றும் மதுரை கிழக்கு தொகுதி திமுக வேட்பாளர் மூர்த்தி ஆகியோர் மீது பொய் வழக்கு பதிவு செய்ய வேண்டும் என்று மதுரை கிழக்குத் தொகுதி தேர்தல் அதிகாரியை மதுரை மாவட்டக் கலெக்டர் வற்புறுத்துவதாக நம்பத்தகுந்த தகவல்கள் வந்துள்ளன. ஆனால், மத்திய அமைச்சர் மற்றும் வேட்பாளர் மீது பொய் வழக்குகளை தொடர தேர்தல் அதிகாரி மறுத்துள்ளார்.
மதுரைக் கலெக்டரின் இதுபோன்ற நடவடிக்கைகள் மற்றும் செயல்பாடுகள் நிச்சயமாக மோசமான பிரச்னைகளை ஏற்படுத்திவிடும். எனவே, நேர்மையான, அமைதியான தேர்தல் நடத்தப்பட வேண்டுமானால், இந்த விஷயம் தொடர்பாக விசாரணை நடத்தி உரிய நடவடிக்கை எடுத்து சுமூகமான சூழ்நிலையை உருவாக்க வேண்டும்.
இவ்வாறு கடிதத்தில் கூறப்பட்டுள்ளது.
No comments:
Post a Comment