நலத்திட்டங்கள் உங்கள் வீடு தேடி வர திமுகவுக்கு வாக்களியுங்கள் என்று நடிகை குஷ்பு கூறினார்.
உத்திரமேரூர் திமுக வேட்பாளர் பொன்.குமாரை ஆதரித்து நடிகை குஷ்பு உத்திரமேரூர், பெருநகர், மானாம்பதி ஆகிய இடங்களில் வாக்கு சேகரித்தார். அப்போது அவர் பேசியதாவது:
முதல்வர் கருணாநிதி, ஏழை, எளிய மக்களுக்காக பல்வேறு நலத்திட்டங்களை செயல்படுத்தி வருகிறார். ஒரு ரூபாய்க்கு ஒரு கிலோ அரிசி உட்பட பல்வேறு நலத் திட்டங்களை நூற்றுக்கு நூறு நிறைவேற்றி மக்கள் மனங்களில் நிறைந்துள்ளார்.
ஆனால் எதிர்கட்சிகள், பொய் பிரசாரம் செய்கின்றனர். அவர்களது பொய் பிரசாரத்தை. நீங்கள் நம்பக்கூடாது. என்றென்றும் மக்களுக்காகவே பாடுபடும் கருணாநிதி, 6 வது முறையாக முதல்வராக வந்தால்தான் தற்போது உள்ள வளர்ச்சி பணிகளும், அடுத்து வரும் வளர்ச்சி பணிகளும் உங்கள் வீடு தேடிவரும்.
இவ்வாறு குஷ்பு பேசினார்.
No comments:
Post a Comment