கொட்டு முரசே! - -கவிச்சுடர் கவிதைப்பித்தன்

கொட்டு முரசே!

'கொற்றம்’அது கிட்டுமென்று கொட்டு முரசே!

கோட்டையில்நம் கொடிபறக்கக் கொட்டு முரசே!

இற்றது தடைகளென்று கொட்டு முரசே!

இருட்திரை விலகுமென்று கொட்டு முரசே!

அற்றது பகைமையென்று கொட்டு முரசே!

ஆரியர்க்கோ நாடிதென்று கொட்டு முரசே!

நற்றமிழ்மேல் ஆணையென்று கொட்டு முரசே!

நாம்பிறந்த மண்ணிதென்று கொட்டு முரசே!

வெற்றுரை, கவர்ச்சிவிழக் கொட்டு முரசே!

வீழ்ந்தஇனம் மீட்சிபெறக் கொட்டு முரசே!

பற்றுமொழிப் பற்றுவரக் கொட்டு முரசே!

பண்டுவளர் தொண்டுயரக் கொட்டு முரசே!

சுற்றம்,நட்பு சூழும்என்று கொட்டு முரசே!

சூரியனே ஆளும்என்று கொட்டு முரசே!

சற்றும்ஐயம் இல்லையென்று கொட்டு முரசே!

தர்மம்வெல்லும் வெல்லும்என்று கொட்டு முரசே!

'முத்தமிழ் அறிஞர்’என்று கொட்டு முரசே!

'மொய்ம்புறு தலைவர்’என்று கொட்டு முரசே!

'சத்தியப் புதல்வன்’என்று கொட்டு முரசே!

'தளபதி’ உழைப்புவெல்லக் கொட்டு முரசே!

கத்துகடல் தோற்றதென்று கொட்டு முரசே!

'கலைஞர்படை’ ஆர்த்ததென்று கொட்டு முரசே!

எத்திசையும் அதிர்ந்ததென்று கொட்டு முரசே!

'இளைஞர்படை’ கிளர்ந்ததென்று கொட்டு முரசே!

நித்திரை கலைந்ததென்று கொட்டு முரசே!

நெஞ்சில்உரம் உள்ளதென்று கொட்டு முரசே!

புத்துணர்வு வந்ததென்று கொட்டு முரசே!

போயொழிக சோம்பல்என்று கொட்டு முரசே!

'சித்திரை’ மறந்ததென்று கொட்டு முரசே!

செந்தமிழ்த்Ôதை’ வென்றதென்று கொட்டு முரசே!

'முத்திரை பதிக்கும்’என்று கொட்டு முரசே!

'முன்னேற்றக் கழகம்’என்று கொட்டு முரசே!

பெண்ணுரிமை ஓங்கிடவே கொட்டு முரசே!

பேதமெல்லாம் நீங்கிடவே கொட்டு முரசே!

தண்மலர்கள் பூக்கவென்று கொட்டு முரசே!

'சமத்துவம்’ மணக்கவென்று கொட்டு முரசே!

மண்ணதிர விண்ணதிரக் கொட்டு முரசே!

'மானுடம்’ தழைக்கவென்று கொட்டு முரசே!

'அண்ணன்’வழி செல்கவென்று கொட்டு முரசே!

அன்னைமொழ்த்Ôதை’ வென்றதென்று கொட்டு முரசே!

பெண்ணுரிமை ஓங்கிடவே கொட்டு முரசே!

பேதமெல்லாம் நீங்கிடவே கொட்டு முரசே!

தண்மலர்கள் பூக்கவென்று கொட்டு முரசே!

'சமத்துவம்’ மணக்கவென்று கொட்டு முரசே!

மண்ணதிர விண்ணதிரக் கொட்டு முரசே!

'மானுடம்’ தழைக்கவென்று கொட்டு முரசே!

'அண்ணன்’வழி செல்கவென்று கொட்டு முரசே!

அன்னைமொழி வெல்க!வென்று கொட்டு முரசே!

எங்கும் ஒளி சூழ்கவென்று கொட்டு முரசே!

ஏருழவன் வாழ்க!வென்று கொட்டு முரசே!

மங்குகவே ஏழ்மையென்று கொட்டு முரசே!

மக்கள்துயர் தீர்கவென்று கொட்டு முரசே!

தங்குகவே இன்பம்என்று கொட்டு முரசே!

'தாயகம்’ செழிக்கவென்று கொட்டு முரசே!

“பொங்குகவே பொங்கல்”என்று கொட்டு முரசே!

“புத்தாண்டுத் தை”சிறக்கக் கொட்டு முரசே!!!

-கவிச்சுடர் கவிதைப்பித்தன்

தலைமைக் கழக முக்கிய அறிவிப்பு

28.11.2008 அன்று தலைமைக் கழகத்தினால் வெளியிடப்பட்ட அறிவிப்பில் “திராவிட முன்னேற்றக் கழகத்தின் முன்னாள், இந்நாள் தலைவர்கள் மற்றும் முன்னோடிகள் - அவர்கள் மறைந்திருப் பினும் அல்லது இன்னும் வாழ்ந்து கொண்டிருப்பினும் - அவர்கள் பெயரால் மன்றங்கள், படிப்பகங்கள் போன்ற சார்பு அமைப்புகளை உருவாக்குவதாக இருந்தால்;  தலைமைக் கழகத்தின் ஒப்புதல் பெற்று, அந்தச் சார்பு அமைப்பு, அந்த ஊர் அல்லது அந்தப் பகுதியைப் பொறுத்த ஒன்றாக இருந்து கழகத்தின் சார்பு மன்றமாக இயக்க வேண்டுமே தவிர, அதற்கு வட்டம், ஒன்றியம், மாவட்டம் போன்ற அளவிலே அமைப்புகளை உருவாக்கிடக் கூடாதென்று ஏற்கனவே சில ஆண்டுகளுக்கு முன்பே தலைமைக் கழகம் அறிவித்து, அதன்படி கழகத்தினர் நடந்து வருகிறார்கள்.

இந்த நிலையில் ஏற்கனவே வெளியிடப்பட்டுள்ள சார்பு மன்றங்களைப் பற்றிய அறிவிப்புக்கு மாறாக, கழக முன்னோடிகள் யார் பெயராலும் அமைப்புகளோ, பேரவைகளோ, மன்றங்களோ உருவாகக் கூடுமானால், அவற்றுக்கும் தலைமைக் கழகத்திற்கும் எவ்வித சம்மந்தமும் இல்லை.  அத்தகைய அமைப்புகளோடு கழகத் தோழர்கள் யாரும் தொடர்பு வைத்துக் கொள்ள வேண்டாமென்று கேட்டுக் கொள்ளப்படுகிறார்கள். இதனை மீறுவோர் யாராயினும் அவர்கள் கழகத்தின் ஒழுங்கு நடவடிக்கைக்கு உள்ளாவார்கள்” என்று தெரிவிக்கப் பட்டுள்ளது.

எனினும் அண்மைக் காலத்தில் இத்தகைய சார்பு மன்றங்கள் ஒருசிலர் பெயரில் ஆங்காங்கு அமைக்கப்படுவதாக தலைமைக் கழகத்திற்கு புகார்கள் வருவதால் அவற்றை உடனடியாக திருத்திக் கொள்ளுமாறு மீண்டும் தலைமைக் கழகத்தின் சார்பில் எச்சரிக்கப்படுகிறது.

“அண்ணா அறிவாலயம்”

சென்னை - 10.1.2012

க.அன்பழகன்

பொதுச் செயலாளர்,

தி.மு.க.

நக்கீரன் அலுவலகம் மீது அ.தி.மு.கவினர் கொடூரத் தாக்குதல்!

07.01.2012 அன்று காலையில் வெளி யான நக்கீரன் இதழை தமிழகம் முழுவதும் அ.தி.மு.கவினர் எரித்து ஆர்ப்பாட்டம் செய்தனர். அதேநேரத்தில், சென்னை ராயப்பேட்டை ஜானிஜான்கான் தெருவில் உள்ள நக்கீரன் அலுவலகத்தின் மீது அ.தி.மு.கவினரும், ரவுடிகளும் கொடூரத் தாக்குதல் நடத்தினர். சோடா பாட்டில், பாறாங்கல், உருட்டுக்கட்டைகள் ஆகிய வற்றால் நக்கீரன் அலுவலகத்தைக் கடுமையாகத் தாக்கி சேதப்படுத்தியதோடு, அங்கு நின்ற கார்கள், டுவீலர்கள் ஆகிய வற்றையும் அடித்து நொறுக்கினர். 100க்கும் அதிகமான அ.தி.மு.கவினரும் ரவுடிகளும் இந்தத் தாக்குதலைத் தொடர்ந்து நடத்திக் கொண்டிருக்க, பாதுகாப்பு என்ற பெயரில் வந்த காவல்துறை வேடிக்கை பார்த்தபடியே நின்றனர். அ.தி.மு.கவினரின் தாக்குதலைக் கண்டு நடுங்கி ஜானிஜான்கான் சாலையில் உள்ள கடைக்காரர்களும் பொதுமக்களும் கதவுகளை முடிக்கொண்டு உள்ளேயே இருந்தனர். தொடர்ந்து கற்களும் சோடா பாட்டில்களும் நக்கீரன் அலுவலகத்திற்குள் பறந்து வந்தபடியே இருந்தன. பத்திரிகை யாளர்கள், தொலைக்காட்சியினர் ஆகியோர் களத்திற்கு நேரில் வந்து செய்தி சேகரிக்கும் போது அவர்கள் முன்னிலையிலேயே அ.தி.மு.க ரவுடிகள் கற்களை வீசினர். காவல்துறையினர் அவர்களைப் பெயருக்குத் தடுத்தபோது, காவல்துறையினரைத் தள்ளி விட்டுவிட்டு அ.தி.மு.க ரவுடிகள் தாக்கு தலைத் தொடர்ந்தனர். நக்கீரன் அலுவலகத் திற்குள் செய்தி சேகரிப்பில் ஈடுபட்டிருந்த தொலைக்காட்சி, பத்திரிகையினரும் தாக் குதலை நேரடியாக எதிர்கொள்ள வேண்டி யிருந்தது.

காவல்துறையினர் வேடிக்கை பார்த்துக் கொண்டிருக்க, அ.தி.மு.கவின் ஒவ்வொரு அணியினரும் கூட்டம் கூட்டமாக வந்து தாக்குதலைத் தொடர்ந்தபடியே இருந்தனர்.

நாடும் - ஏடும்!

1-1-2012  தேதியிட்ட  “மாலைமுரசு” -  “மாலைமலர்”  -  “தமிழ் முரசு”  ஆகிய  மாலை ஏடுகளிலும்,  2-1-2012  தேதியிட்ட  “தினமலர்”  -  “தினத்தந்தி”  - “தினகரன்” -  “தினமணி”  ஆகிய  காலை ஏடுகளிலும்  முதல் பக்கத்தில் கொட்டை எழுத்துக்களில் தலைப்புச் செய்தியாக  வெளி வந்திருப்பது  “அரசு ஊழியர்களுக்கு  பொங்கல் போனஸ்”   வழங்கப்படும்  செய்தியாகும்.ஆயிரம் ரூபாய் முதல்  மூவாயிரம்  ரூபாய் வரை கிடைக்கும் என்று  “தினத்தந்தி”யும்  -   “அரசு ஊழியர், ஆசிரியர்கள் உட்பட 21 லட்சம் பேருக்கு பொங்கல்  போனஸ் -  யார் யாருக்கு போனஸ்  கிடைக்கும்”  என்று  “தினகரன்” இதழும்  -  “264 கோடி ரூபாயை  அள்ளித் தந்தார்  முதல்வர்”  என்று  “தினமலர்”  நாளிதழும்  இந்தச் செய்திக்கு தலைப்பிட்டுள்ளன.

இந்த ஏடுகள் எல்லாம் இவ்வளவு முக்கியத்துவம் தந்திருக்கின்றனவே  என்று   கடந்த ஆண்டு  தி.மு. கழக ஆட்சியிலே  இந்த பொங்கல் போனஸ் அரசு ஊழியர்களுக்கு வழங்கப்படவில்லையோ  என்று  நமக்கு  சந்தேகம் ஏற்பட்டு,  கடந்த ஆண்டு  “முரசொலி”  பத்திரிகையை  தேடிப் பார்த்தோம்.   “264 கோடியை  அள்ளித் தந்தார் முதல்வர்” என்று “தினமலர்”  செய்தி வெளியிட்டிருக்கிறதே, தி.மு. கழக ஆட்சியில்   “கிள்ளியாவது”  அரசு ஊழியர்களுக்கு  பொங்கல் போனஸ்  கொடுக்கப்பட்டதா  என்று பார்த்த போது  -  கடந்த ஆண்டு  2011இல் பொங்கலுக்காக  277 கோடி ரூபாய் அளவிற்கு  அரசு ஊழியர்களுக்கு  பொங்கல் போனசாக கொடுக்கப்பட்டுள்ளது. 

  4-1-2011 தேதிய நாளேடுகளில் அந்தச் செய்தி வந்துள்ளது,  ஆனால் இன்று முதல் பக்கத்தில் கொட்டை எழுத்துக்களில் வெளி வந்திருக்கிறதே அதைப் போல அல்ல  -  “முரசொலி” இதழின்  12வது பக்கத்தில்  அந்தச் செய்தி வெளி வந்திருக்கிறது.    அந்தச் செய்திக் குறிப்பு வருமாறு :-“2009-2010ஆம் ஆண்டிற்கு  “சி”  மற்றும்  “டி”  தொகுதியைச் சேர்ந்த அலுவலர்கள் அனைவருக்கும்  30 நாட்கள்  ஊதியத்திற்கு இணையாக  ரூ.  3000/- உச்சவரம்பிற்கு  உட்பட்டு  போனஸ்  வழங்கிடவும்,  “ஏ”  மற்றும்  “பி”  தொகுதியைச் சார்ந்த  அலுவலர்கள் அனைவருக்கும் ரூ. 1000/-  சிறப்பு போனஸ்  வழங்கிடவும்,  ஓய்வூதியம்  மற்றும்  குடும்ப ஓய்வூதியம் பெறுபவர் களுக்கு  ரூ. 500/- பொங்கல் பரிசு வழங்கிடவும்  முதலமைச்சர் கலைஞர் அவர்கள் ஆணையிட்டுள்ளார்.  இதனால் அரசுக்கு இந்த ஆண்டில் சுமார் ரூ. 277 கோடி செலவாகும்”  என்று  குறிப்பிடப்பட்டுள்ளது.இதிலிருந்து  இந்த ஆண்டு  அ.தி.மு.க. அரசு  ஏதோ புதிதாக  அரசு ஊழியர்களுக்கு  பொங்கல் போனஸ் வழங்கிடவில்லை என்பதையும்,  கடந்த தி.மு.க. ஆட்சியில் வழங்கப்பட்டதை விட  கூடுதலாக  தொகை எதையும் வழங்கிட வில்லை என்பதையும்  புரிந்து கொள்ளலாம்.இந்த ஆண்டு பொங்கல் போனஸ் வழங்கியிருப்பதை முதல் பக்கத்தில் தலைப்புச் செய்தியாக  வெளியிட்ட “தினகரன்”,  “அரசின் பல்வேறு நலத் திட்டப் பணிகளும் மற்றும்  வளர்ச்சிப் பணிகளும்  வெற்றிகரமாக செயல் படுத்தப்படுவதற்கு, உதவிகரமாக  விளங்கும் அரசு ஊழியர்களுக்கு பொங்கல்  பண்டிகையை  முன்னிட்டு,  மிகை ஊதியம் (போனஸ்)  வழங்க முதல்வர் ஜெயலலிதா உத்தரவிட்டுள்ளார்.ட “தினகரன்”,  “அரசின் பல்வேறு நலத் திட்டப் பணிகளும் மற்றும்  வளர்ச்சிப் பணிகளும்  வெற்றிகரமாக செயல் படுத்தப்படுவதற்கு, உதவிகரமாக  விளங்கும் அரசு ஊழியர்களுக்கு பொங்கல்  பண்டிகையை  முன்னிட்டு,  மிகை ஊதியம் (போனஸ்)  வழங்க முதல்வர் ஜெயலலிதா உத்தரவிட்டுள்ளார்.   இதன்படி, 2010-2011ஆம் ஆண்டுக்கு  “சி”  மற்றும் “டி”  பிரிவைச் சார்ந்த அலுவலர்கள் அனைவருக்கும்  30 நாட்கள் ஊதியத்திற்கு இணையாக ரூ. 3000 உச்ச வரம்புக்கு உட்பட்டு போனஸ் வழங்கவும்,  “ஏ”  மற்றும் “பி”  பிரிவைச் சார்ந்த அலுவலர்கள் அனைவருக்கும் ரூ. 1000 சிறப்பு போனஸ்  வழங்கவும், ஓய்வூதியம்,குடும்ப ஓய்வூதியம் மற்றும் முன்னாள் கிராம அலுவலர்கள் ஆகியோருக்கு ரூ. 500 பொங்கல் பரிசு வழங்கவும் முதல்வர் உத்தர விட்டுள்ளார்” என்று  குறிப்பிட்டுள்ளது.

இந்தப் பொங்கல் போனஸ் பற்றி விரிவாகச் சொல்ல வேண்டுமே யானால்,  2006ஆம் ஆண்டு  தி.மு. கழக அரசு பொறுப்பேற்று,  பேரவையில் வைக்கப்பட்ட நிதி நிலை அறிக்கையிலேயே,  “2000-2001ஆம் ஆண்டு  வரை,  (அதாவது  திராவிட முன்னேற்றக் கழக ஆட்சி இருந்த வரை)  அரசு அலுவலர்கள் மற்றும்  ஆசிரியர்களில்  “சி”  மற்றும்  ”டி”  அலுவலர்களுக்கு  மிகை ஊதியமும்,  “ஏ”  மற்றும்  “பி”  அலுவலர்களுக்கு  சிறப்பு மிகை ஊதியமும் மற்றும் ஓய்வூதியம் பெறுபவர்களுக்கு பொங்கல் பரிசும்  வழங்கப் பட்டு வந்தன.   2001-2002ஆம் ஆண்டு முதல் (அதாவது ஜெயலலிதா ஆட்சிக்கு வந்த பிறகு)  வழங்கப்படாமல் நிறுத்தப்பட்டுள்ள  இந்தச் சலுகை யினை  மீண்டும் வழங்க வேண்டும் என்ற கோரிக்கையை ஏற்று, அனைத்து அரசு அலுவலர்கள் மற்றும்  ஆசிரியர்களை ஊக்குவிக்கும் வண்ணம், இந்நிதி யாண்டில் வரும் பொங்கல் பண்டிகையின் போது  மேற்கூறிய  மிகை ஊதியம், சிறப்பு மிகை ஊதியம்  மற்றும் பொங்கல் பரிசு ஆகியன மீண்டும் வழங்கப் படும்”  என்று  22-7-2006  அன்று அறிவித்தோம்.  

அறிவித்ததோடு விட்டு விடாமல், அதற்கு பிறகு  அரசு அலுவலர் களுக்கெல்லாம்  பொங்கல் போனஸ்  வழங்கப்படும் என்று  28-12-2006 அன்றே அரசின் சார்பில் அறிவிக்கப்பட்டு,  அதன் காரணமாக  அந்த ஆண்டு  248 கோடியே  68 லட்ச ரூபாய் அரசுக்குச் செலவாகும் என்றும் தெரிவிக்கப் பட்டது.

அதாவது  அ.தி.மு.க. ஆட்சி கடந்த முறை நடைபெற்ற போது அரசு அலுவலர்களுக்கு வழங்கப்படாமல் இருந்த பொங்கல் போனசை தி.மு. கழக அரசு தான்  2006ஆம் ஆண்டில்  பதவிக்கு வந்தவுடன்  மீண்டும் அறிவித்து வழங்கியது.    ஆனால் தற்போது  ஏதோ ஜெயலலிதா  தி.மு. கழக ஆட்சி வழங்காததை,  அவர் வழங்குவதைப் போல ஏடுகள் எல்லாம்  பெரிது படுத்தி வெளியிட்டுள்ளன.    ஒருவேளை அந்த ஏடுகள்  “என்றைக்கும் போடாத மகராசி  இன்றைக்கு புதிதாக போட்டிருக்கிறாரே, அது  வியப்பில்லையா”  என்ற எண்ணத்தோடு  அந்தச் செய்திக்கு  இவ்வாறு  முக்கியத்துவம் தந்திருக்கிறார்கள் போலும்!   

அ.தி.மு.க. அரசு குறிப்பாக ஜெயலலிதா முதலமைச்சராக இருந்த போது  அரசு ஊழியர்களை எந்த அளவிற்கு மதித்தார் என்பதும்,  அரசுக்கு வருகின்ற மொத்த வருவாயில்  95 சதவிகிதம்  அரசு அலுவலர்களின் ஊதியத்திற்காகவே செலவழிக்கப்படுகின்றது என்றெல்லாம்  சொன்னவர் ஜெயலலிதா தான் என்பதும்,  அரசு அலுவலர்களைக் கொடுமைப் படுத்துவதற்காகவே  “எஸ்மா”,  “டெஸ்மா”  சட்டங்களைக் கொண்டு வந்ததே ஜெயலலிதாவின் ஆட்சிக் காலத்தில் தான் என்பதையும்,  ஏன் அரசு அதிகாரி களை யெல்லாம் சவுக்கால் அடித்து வேலை வாங்குகிறேன் என்று பேரவை யிலேயே  அறிவித்தவரும்  அவர் தான் எம்,  அரசு அலுவலர்களைக் கொடுமைப் படுத்துவதற்காகவே  “எஸ்மா”,  “டெஸ்மா”  சட்டங்களைக் கொண்டு வந்ததே ஜெயலலிதாவின் ஆட்சிக் காலத்தில் தான் என்பதையும்,  ஏன் அரசு அதிகாரி களை யெல்லாம் சவுக்கால் அடித்து வேலை வாங்குகிறேன் என்று பேரவை யிலேயே  அறிவித்தவரும்  அவர் தான் என்பதையும்  தமிழ்நாட்டிலே உள்ள அரசு  அலுவலர்கள் அறிய மாட்டா£களா என்ன?   இருந்தாலும் தமிழ் நாட்டில் உள்ள ஒருசில நாளேடுகள் (நமது ஏடுகள் உட்பட)  அம்மையாருக்கு எப்படியெல்லாம் வக்காலத்து வாங்குகின்றன என்பதை அனைவரும் புரிந்து கொள்ள வேண்டும் என்பதற்காகத் தான்  இந்த விளக்கங்களைத் தந்துள்ளேன்.  

இதிலே இன்னும் ஒரு ஏடு  ஒரு படி மேலே போய்,  கடந்த ஆண்டு  ஊழியர்களுக்கான போனஸ் ஜனவரி  5ஆம் தேதி கிடைத்தது.  இந்த ஆண்டு  போனஸ் தொகை  இன்று முதல் அவர்களுக்குக் கிடைக்கும் என்று முக்கியத்துவம் கொடுத்து வெளியிட்டுள்ளது.   அரசாணை தான் இன்று வெளி வந்திருக்கிறதே தவிர,  போனஸ் தொகையே  இன்று கிடைத்து விடாது.  மேலும்  ஜனவரி 2ஆம் தேதியோ, 5ஆம் தேதியோ பொங்கல் போனஸ் ஒரு முறை தான் அரசு ஊழியர்களுக்கு  வழங்கப்படும்.   ஆனால் இந்த ஏடுகள் இந்தச் செய்திக்கு இவ்வளவு முக்கியத்துவம் கொடுத்து வெளியிட்டிருப்பதைப் பார்ப்பவர்கள்,  தி.மு. கழக ஆட்சியில் வழங்கப்படாத ஒரு சலுகையை தற்போது  வழங்கியிருக்கிறார்கள் போலும் என்று நினைத்துக் கொள்கின்ற அளவிற்கு  வெளியிட்டிருக்கிறார்கள் என்பதால்,  இந்தப் பொங்கல் போனஸ் பற்றி தமிழ்நாட்டு மக்களுக்கு மீண்டும் ஒரு முறை நினைவுபடுத்துவது நல்லது என்பதால் தான் இந்த விளக்கம்!£ர்கள் என்பதால்,  இந்தப் பொங்கல் போனஸ் பற்றி தமிழ்நாட்டு மக்களுக்கு மீண்டும் ஒரு முறை நினைவுபடுத்துவது நல்லது என்பதால் தான் இந்த விளக்கம்!

தா.பாண்டியன் சொன்னது சரிதானா?

20.07.2011 ஜுனியர் விகடனில்...

இதுவரை ஜெயலலிதா எடுத்துவரும் அத்தனை வேகமான நடவடிக்கைகளிலும் நான் விவேகத்தைக் காண்கிறேன்... ஒன்று மட்டும் சொல்கிறேன், 100 கருணாநிதிகள் ஒன்று சேர்ந்தாலும், ஒரு ஜெயலலிதா ஆக முடியாது!

- தா.பாண்டியன்

புல்லறுக்கும் கதிர்அரிவாள்

ஆயிரம் ஒளிக்கர

ஆதவன் எப்படி

பேயிருட்டுக்குச் சமமென

பேச்சுக்குக் கூடச் சொல்ல முடியும்

முன்னாள் நட்சத்திரமோ

இன்னாள் நட்சத்திரமோ

ஆயிரமாயிரம் நட்சத்திரங்கள்

அணிவகுத்து வந்தாலும்

உறுதியாய் விடிவு என்பது

உதயசூரியனால் மட்டும்தான்

கதிர் அறுக்க வேண்டிய

கம்யூனிஸ்ட் அரிவாள் ‡ இப்படிப்

போயஸ் தோட்டப்

புல்லறுத்துக் கொண்டிருப்பது

புரியாத ஒன்று

தன் நிழல்கூட

தன் காலில் விழக்கூடாது என்ற

தன்மானத்

தஞ்சைக் கோபுரத்தை ‡

சிதைந்துபோன

சின்ன வீட்டோடு

ஒப்பிடுவதா

சாக்கடையைச்

சலவை செய்ய முயலும் சோப்பா

வாயைக் கழிவாயாக்கும்

வார்த்தைக்கா தா. பா ?

- பேரா. அப்துல்காதர், பொதுச்செயலாளர், தேசிய லீக்

------------------------------------------------------

கலைஞரால் முடியாதுதான்!

தலையின் இழிந்த மயிரனையர் மாந்தர்

நிலையின் இழிந்தக் கடை ‡ 964

இந்தக் குறட்பாவை இந்திய பொது வுடைமைக் கட்சியின் தமிழ் மாநிலச் செயலாளர் தா. பாண்டியன் கண்டிப்பாகப் படிக்க வேண்டும்.

' வானில் செங்கொடி உயரட்டும்; வர்க்கப் புரட்சி தொடரட்டும் ' என்று தொழிலாளர் வர்க்கத்தின் நாடி நரம்புகளில் எழுச்சியூட்டு கின்ற முழக்கத்தை முன்வைத்துப் போராடிய கம்யூனிஸ்ட் இயக்கத்திற்கு இப்படியும் ஒருவர் மாநிலச் செயலாளராக இருப்பது வெட்கத் திற்கும் வேதனைக்கும் உரியது. எந்த ஒரு மனிதன் தன் நிலையில் இருந்து ஒரு படி கீழே இறங்கி தனது சுயநலத்திற்காகச் செயல் படவோ, பேசவோ செய்கின்றானோ, அந்த மனிதன், தலையில் இருந்து உதிர்ந்து போன மயிருக்குச் சமம் என்றார் வள்ளுவர்.

இவர் ஜெயலலிதாவை அங்காளபர மேஸ்வரி, ஆயிரம் கண்ணுடையாள் என்று எப்படி வேண்டுமானாலும் புகழ்ந்து தள்ளி இவருடைய காரியங்களைச் சாதித்துக் கொள் ளட்டும், வேண்டாம் என்று சொல்லவில்லை.

அதைவிடுத்து, எத்தனை கருணாநிதி வந்தாலும் ஜெயலலிதாவிற்கு இணையாகாது என்பது போன்ற நகைச்சுவையை வெளிப் படுத்திக் கொண்டிருப்பதுதான் வேதனை.

இவரது வார்த்தைப் படியே பார்த்தாலும், ஜெயலலிதாவைப் போலக் கலைஞரால் தமிழக மக்கள் மீது வரிச்சுமையை ஏற்ற முடியாது தான்.

ஜெயலலிதாவைப் போன்று ஆதிக்க எண்ணத்தோடு சமச்சீர்க் கல்வியைத் தடுக்க முடியாதுதான்.

ஜெயலலிதாவைப் போலத் தமிழக அரசுக்குச் சொந்தமான தலைமைச் செயலகம் இருந்தாலும் பழைய கட்டிடத்தில்தான் இருப்பேன் என்று தலைக்கனத்தோடு சொல்ல முடியாதுதான்.

ஜெயலலிதாவைப் போல நான் பாப் பாத்தி, என்னை ஆட்டவோ அசைக்கவோ முடியாது என பட்டவர்த்தனமாகச் சட்ட மன்றத்தில் அறிவிக்க முடியாதுதான்.

ஜெயலலிதாவைப் போல ஈழத்தில் போர் என்று வந்தால் அங்கு மக்கள் இறக்கத்தான் நேரும் என்று இரக்கமின்றி சொல்ல முடியாது தான்.

ஜெயலலிதாவைப் போல நாடே பற்றி எரிந்தாலும் பரவாயில்லை என, கொடநாடு ஓடிப்போய் ஓய்வெடுக்கத் தெரியாதுதான்.

பெரியாரையும், அண்ணாவையும் சந்திக்காமல் இருந்திருந்தால் நான் ஒரு கம்யூனிஸ்ட் ஆக வந்திருப்பேன் என்று சொன்ன தலைவர் கலைஞர் எங்கே! தகரம் கண்டுபிடிக்கும் காலத்திற்கும் முன்பே, உண்டியல் கண்டுபிடித் தவர்கள் கம்யூனிஸ்ட்டுகள் என்று கேலி பேசிய ஜெயலலிதா எங்கே!

எதிரியையும் மதித்து, அவர்கள் வீட்டு நிகழ்வுகளிலும் கலந்து கொண்டு மரியாதை செய்பவர் கலைஞர்.

யாராக இருந்தாலும் எடுத்தெறிந்து மரியாதை இல்லாமல் நடப்பவர் ஜெயலலிதா என்பதைத் தா. பா தனது வீட்டு நிகழ்ச்சியை ஜெயா புறக்கணித்ததன் மூலமே தெரிந்திருப் பார்.

மனச்சாட்சி உள்ளவர்களுக்கு இந்த உண்மைகள் எல்லாம் எளிதில் புரியும். தா.பாவிற்குப் புரிய வாய்ப்பில்லை.

சிற்பி செல்வராசு

துணைப் பொதுச்செயலாளர்

திராவிட இயக்கத் தமிழர் பேரவை

நன்றி : கருஞ்சட்டைத் தமிழர்.

தமிழ் புத்தாண்டு முதல் புதுப் பொலிவுடன்

இணையதள தி.மு.க மதுரை சந்திப்பு தொடர்பான பணிகள் நவம்பர் மாதத்திலும் எனது சட்டப் படிப்பு பருவத் தேர்வுகள் டிசம்பர் மாதத்திலும் இருந்த காரணத்தால் கழகச் செய்திகளை வலையேற்ற இயல வில்லை. மன்னிக்கவும். தமிழ் புத்தாண்டு முதல் புதுப் பொலிவுடன் இந்த வலைப்பூவில் வழக்கம் போல் கழக செய்திகள் தினந்தோறும் பதிவேற்றம் செய்யப்படும்.  இடையில் ஏற்பட்ட தடங்கலுக்கு மன்னிக்க வேண்டுகிறோம்...

ஜெயில் நிர்வாகத்தினர் மீது சட்டப்படி வழக்கு தொடருவேன் - அனிதா ராதாகிருஷ்ணன்

திருச்செந்தூர் தொகுதி தி.மு.க. எம்.எல்.ஏ. அனிதா ராதாகிருஷ்ணன். இவர் மீது ஆறுமுகநேரி போலீசார் கொலை முயற்சி வழக்கு பதிவு செய்தனர். அதன்பிறகு இவர் மீது மேலும் 2 வழக்குகள் பதிவு செய்யப்பட்டன. இதனை தொடர்ந்து அனிதா ராதாகிருஷ்ணன் எம்.எல்.ஏ.வை போலீசார் கைது செய்து, திருச்சி மத்திய சிறையில் அடைத்தனர்.

அனிதா ராதாகிருஷ்ணன் எம்.எல்.ஏ. 32 நாட்களாக திருச்சி சிறையில் அடைக்கப்பட்டு இருந்தார். தன்னை ஜாமீனில் விடுதலை செய்ய வேண்டும் என்று திருச்செந்தூர் கோர்ட்டில் அனிதா ராதாகிருஷ்ணன் மனு தாக்கல் செய்தார்.

இந்த வழக்கில் கடந்த 13.09.2011 அன்று தீர்ப்பு வழங்கப்பட்டது. அந்த தீர்ப்பில் 3 வழக்குகளில் இருந்தும் அனிதா ராதாகிருஷ்ணனுக்கு ஜாமீன் வழங்கி கோர்ட்டு தீர்ப்பு கூறியது. இந்த தீர்ப்பை அடுத்து அவர் திருச்சி சிறையில் இருந்து ஜாமீனில் வெளியே வருவார் என எதிர்பார்க்கப்பட்டது. ஆனால் கோர்ட்டு வழங்கிய ஜாமீன் உத்தரவில் அனிதாராதாகிருஷ்ணன் மீது தொடரப்பட்ட வழக்குகளில் ஒரு செக்ஷன் மட்டும் இடம் பெறவில்லை என்று சிறை அதிகாரிகள் அவரை வெளியே விட மறுத்துவிட்டனர்.

இதனால் அனிதா ராதாகிருஷ்ணன் எம்.எல்.ஏ. சிறையில் இருந்து வெளியே செல்வதில் தொடர்ந்து சிக்கல் ஏற்பட்டது. இதையடுத்து அவருடைய வக்கீல் கிருபா மீண்டும் திருச்செந்தூர் கோர்ட்டு சென்று, விடுபட்ட செக்ஷனை மீண்டும் ஜாமீன் உத்தரவில் இணைத்து 17.09.2011 அன்று  காலை 8.30 மணிக்கு திருச்சி சிறைக்கு கொண்டு வந்தார்.

அப்போது சிறை அதிகாரிகள் கோர்ட்டு உத்தரவை தனிநபர் கையில் எடுத்து வர கூடாது. தபாலில் தான் சிறைக்கு வர வேண்டும் என்று திருப்பி அனுப்பி விட்டனர். இதையடுத்து அந்த உத்தரவு விரைவு தபாலில் உடனடியாக திருச்சி சிறைக்கு அனுப்பிவைக்கப்பட்டது.

அதன்பிறகு 17.09.2011 அன்று பகல் 1.45 மணிக்கு திருச்சி சிறையில் இருந்து அனிதா ராதாகிருஷ்ணன் எம்.எல்.ஏ. வெளியே வந்தார். திருச்சி சிறை வாசலில் அவர் நிருபர்களிடம் கூறியதாவது: 

நான் இந்த சிறையில் 32 நாட்களில் விடுதலை செய்யப்பட்டு இருக்க வேண்டும். ஆனால் 37 நாட்கள் இங்கு இருந்து உள்ளேன். 5 நாட்கள் கூடுதலாக என்னை உள்ளே வைத்து, ஜாமீனில் வர சிரமம் ஏற்படுத்தி இருக்கிறார்கள். ஒரு வழக்கு பதிவு செய்து, பின்னர் அதற்கான ஜாமீன் உத்தரவில் ஒரு நம்பர் விட்டு போனதாக கூறி, இருக்கிறார்கள். இதற்காக ஜெயில் நிர்வாகத்தினர் மீது சட்டப்படி வழக்கு தொடருவேன்.

இவ்வாறு அவர் கூறினார்.

சிறை அதிகாரிகளுடன் நெப்போலியன் வாக்குவாதம்

நில அபகரிப்பு வழக்கில் கடந்த சில நாட்களுக்கு முன்பு நெல்லை மாவட்ட தி.மு.க. செயலாளர் கருப்பசாமி பாண்டியன் கைது செய்யப்பட்டார்.

பின்னர் மதுரை ஜெயிலில் அடைக்கப்பட்டார். அவரை பார்ப்பதற்காக மதுரை சிறைக்கு 12.09.2011 அன்று மதியம் மத்திய மந்திரிகள் மு.க.அழகிரி, நெப்போலியன், தி.மு.க. நிர்வாகிகள் கும்பலாக சென்றபோது மத்திய மந்திரிகள் மற்றும் சிலரை மட்டுமே ஜெயிலுக்குள் செல்ல அனுமதிக்க முடியும் என ஜெயில் அதிகாரிகள் கூறினர்.

இதனால் ஆத்திரம் அடைந்த தி.மு.க.வினர் ஜெயில் அதிகாரிகளுடன் வாக்கு வாதத்தில் ஈடுபட்டனர். இந்த நிலையில் ஜெயிலுக்கு வந்த மத்திய மந்திரிகள் இருவரும் ஜெயிலின் பிராதான கதவை திறந்து தங்களை உள்ளே அனுமதிக்க வேண்டும் என கோரினர். ஆனால் இறுதியில் அதிகாரிகள் சிறிய கதவு வழியாகத்தான் அனுமதிக்க முடியும் என தெரிவித்தனர். இதனால் ஆத்திரம் அடைந்த மத்திய மந்திரி நெப்போலியன் நாங்கள் மத்திய மந்திரிகள், எங்களை மரியாதையுடன் நடத்த வேண்டும் என ஜெயில் அதிகாரிகளுடன் வாக்கு வாதத்தில் ஈடுபட்டார். இது குறித்து மத்திய உள்துறை அமைச்சகத்திடம் புகார் தெரிவிக்க போவதாகவும், மத்திய மந்திரி நெப்போலியன் கூறிவிட்டு ஜெயிலுக்குள் இருக்கும் கருப்பசாமி பாண்டியனை பார்த்து விட்டு வெளியே திரும்பினர்.

பொய் வழக்கு போட்டால் உண்ணாவிரத அறப் போராட்டம்: திமுக தலைமை

ஜாமினில் வெளிவரும் திமுகவினர் மீது மீண்டும் பொய் வழக்குப் போட்டு சிறை வாசலிலேயே அதிமுக அரசு கைது செய்தால், திமுகவினர் உண்ணாவிரத அறப் போராட்டத்தில் ஈடுபட வேண்டும் என்று திமுக தலைமை கூறியுள்ளது.

இதுதொடர்பாக திமுக தலைமைக் கழகம் வெளியிட்டுள்ள அறிக்கையில்,

அதிமுக ஆட்சியினரால் பொய் வழக்குகள் போடப்பட்டு கைது செய்யப்பட்ட திமுகவினர் நீதிமன்றங்களில் முறையாக ஜாமின் பெறுகின்றனர். ஜாமின் மனு தாக்கல் செய்து பிணையில் வெளியே வரும்போது அவர்கள் மீண்டும் புதிய பொய் வழக்கில் கைது செய்யப்படுகின்றனர்.

அவர்களை வீட்டிற்கு செல்லவிடாமல் சிறை வாசலிலேயே கைது செய்து சிறையில் அடைக்கும் கொடூரச் செயலை அதிமுக அரசு செய்து வருகிறது.

பிணையில் வெளியில் வரும் திமுகவினர் மீண்டும் கைது செய்யப்பட்டால், கட்சியினல் ஜனநாயக ரீதியாக தங்கள் எதிர்ப்பை வெளிப்படுத்த வேண்டும். இதனைக் கண்டித்து திமுகவினர் அடையாள உண்ணாவிரத அறப் போராட்டத்தில் ஈடுபட வேண்டும் என்று கூறப்பட்டுள்ளது.