இந்தியாவில் ஊடகங்களின் ஆட்சி நடைபெறுகிறது: மத்திய மந்திரி தயாநிதி மாறன் பதவி விலகல் குறித்து கலைஞர்

சென்னை கோபாலபுரத்தில் தி.மு.க. தலைவர் கலைஞர் 07.07.2011 அன்று நிருபர்களுக்கு பேட்டி அளித்தார். அப்போது நிருபர்கள் கேட்ட கேள்விகளும், அவர் அளித்த பதிலும் வருமாறு:

கேள்வி: மத்திய மந்திரி தயாநிதி மாறன் பதவி விலகல் குறித்து உங்கள் கருத்து என்ன?

பதில்: உலகத்தில் குறிப்பாக இந்தியாவில் மீடியா'க்களின் ஆட்சி நடைபெறுகிறது. அவர்கள் நினைத்தால் யாரையும் இழிவு படுத்தி விட முடியும். அதற்கு தயாநிதி மாறன் விதி விலக்கல்ல.

கேள்வி: தயாநிதி மாறனுக்கு கட்சி துணையாக இருக்குமா?

பதில்: இருக்கும்.

கேள்வி: இதுவரை துணையாக இருந்தது போல தெரியவில்லையே?

பதில்: இதுவரை அவருக்கு என்ன நடந்தது?

கேள்வி: தயாநிதிமாறனுக்கு பதில் வேறு யாராவது மத்திய மந்திரி ஆவார்களா?

பதில்: தெரியாது.

கேள்வி: மத்திய அரசிடம் இருந்தோ, காங்கிரஸ் தலைவியிடம் இருந்தோ, நேற்றிரவில் இருந்து யாராவது உங்களுடன் தொடர்பு கொண்டார்களா?

பதில்: இல்லை.

கேள்வி: இன்று பிரதமருக்கு நீங்கள் கடிதம் எழுதியதாகச் சொல்லப்படுகிறதே?

பதில்: அது உங்கள் கற்பனை.

இவ்வாறு கலைஞர் கூறினார்.