முதல்வருடன் கோழிப்பண்ணையாளர்கள் சங்கம் சந்திப்பு

தமிழ்நாட்டில் பள்ளிகளில் சத்துணவு சாப்பிடும் மாணவ- மாணவிகளுக்கு வாரம் ஒரு முட்டை வழங்கப்பட்டு வந்தது.

2006-ம் ஆண்டு காமராஜர் பிறந்தநாள் முதல் வாரம் 2 முட்டை வழங்கப்பட்டது. 15.7.2007 முதல் வாரம் 3 முட்டை வழங்கப்படுகிறது.

சென்னை கோட்டூர்புரத்தில் அண்ணா நூற்றாண்டு நூலகத்தை திறந்து வைத்து பேசிய முதலமைச்சர் கருணாநிதி ’இனிசத்துணவில் வாரம் 5 நாள் முட்டை வழங்கப்படும்’ என்று அறிவித்தார்.

இதையடுத்து முதல்வர் கருணாநிதியை நேற்று (17.09.2010) அவரது இல்லத்தில் மத்திய சுகாதாரத்துறை இணை அமைச்சர் செ.காந்திசெல்வன் தலைமையில் தமிழ்நாடு கோழிப்பண்ணையாளர்கள் சங்கம் சார்பில் அதன் தலைவர் ஆர்.நல்லதம்பி,செயலர் கே.தங்கமுத்து, உட்பட பலர் சந்தித்து நன்றி தெரிவித்தனர்.