புதுவை தேர்தல் : தொகுதி பங்கீடு பேச்சுக்கு திமுகவில் நால்வர் குழு

புதுவை சட்டப்பேரவை தேர்தலில் கட்சிகளுடன் தொகுதி பங்கீடு குறித்து பேச்சுவார்த்தை நடத்த திமுகவில் நான்கு பேர் கொண்ட குழு அமைக்கப்பட்டுள்ளது.

இதுதொடர்பாக, திமுக பொதுச் செயலாளர் க.அன்பழகன் வெளியிட்ட அறிக்கை:

புதுவை மாநில சட்டப்பேரவை தேர்தலில் காங்கிரஸ் மற்றும் தோழமைக் கட்சிகளுடன் பேச்சுவார்த்தை நடத்த மாநில அமைப்பாளர்கள் ஜானகிராமன், ஏ.எம்.எச்.நாஜீம், துணை அமைப்பாளர் எஸ்.பி.சிவக்குமார், எம்.ஏ.எஸ்.சுப்பிரமணியம் எம்.எல்.ஏ ஆகியோர் கொண்ட குழு அமைக்கப்பட்டுள்ளது.

இவ்வாறு அறிக்கையில் கூறப்பட்டுள்ளது.