கவர்னர் உரை தயாரிப்பில் கலைஞர் தீவிர ஆலோசனை

முதலமைச்சர் கருணாநிதி நேற்று (27.12.2010) இரவு 8 மணிக்கு திடீரென கோட்டைக்கு வந்தார். அதிகாரிகளுடன் அவர் கவர்னர் உரை தயாரிப்பு பற்றி தீவிர ஆலோசனை நடத்தினார்.

2011-ம் ஆண்டின் முதல் சட்டசபை கூட்டம் ஜனவரி மாதம் 7-ந் தேதி நடக்கிறது. அன்று தமிழக கவர்னர் சுர்ஜித்சிங் பர்னாலா சட்டசபையில் உரையாற்றுகிறார். இதற்காக கவர்னர் உரை தயாரிப்பு பணியில் தமிழக அரசு தீவிரமாக ஈடுபட்டுள்ளது.

இந்த நிலையில் நேற்று (27.12.2010) இரவு 8 மணிக்கு முதல்-அமைச்சர் கருணாநிதி திடீரென கோட்டைக்கு வந்தார். நிதித்துறை செயலாளர் மற்றும் உயர் அதிகாரிகளுக்கு உடனடியாக கோட்டைக்கு வரும்படி அழைப்பு அனுப்பப்பட்டது.

அவர்கள் வந்ததும் அவர்களுடன் முதல்-அமைச்சர் கருணாநிதி, சட்டசபையில் ஜனவரி 7-ந் தேதி கவர்னர் ஆற்றக்கூடிய உரை தயாரிப்பு பணி குறித்து தீவிர ஆலோசனை நடத்தினார்.

உயரதிகாரிகளுடன் பல்வேறு திட்டங்கள் குறித்தும் விவாதம் நடத்தினார். சுமார் 2 மணி நேரம் இந்த ஆலோசனை நடந்தது.

அதன்பின்னர் முதலமைச்சர் கருணாநிதி வீட்டுக்கு புறப்பட்டு சென்றார்.