தமிழ்நாடு சட்டசபை பட்ஜெட் கூட்டம் கடந்த 7ம் தேதி முதல் 12ம் தேதி வரை நடந்தது. கூட்டத்தை ஆளுநர் சுர்ஜித்சிங் பர்னாலா முடித்துவைத்தார். 2011 ஆண்டு முதல் சட்டசபைக் கூட்டம் ஜனவரி 7ம் தேதி தொடங்குகிறது. காலை 9.30 மணிக்கு ஆளுநர் சுர்ஜித்சிங் பர்னாலா கூட்டத்தை தொடங்கி வைத்து உரை நிகழ்த்துகிறார். ஆளுநர் உரையுடன் அன்றைய கூட்டம் ஒத்திவைக்கப்படும். மறுநாள் ஆளுநரின் உரைக்கு நன்றி தெரிவிக்கும் தீர்மானம் மீது விவாதம் நடைபெறும். அப்போது உறுப்பினர்களின் கேள்விகளுக்கு முதல்வர் கருணாநிதி பதில் அளிப் பார்.
இந்த தகவலை தமிழக சட்டப்பேரவை செயலர் செல்வராஜ் தெரிவித்துள்ளார். புதிய சட்டசபையில் ஆளுநர் முதல்முறையாக உரை நிகழ்த்த உள்ளார் என்பது குறிப்பிடத்தக்கது. வழக்கமாக ஆளுநர் உரையுடன் தொடங்கும் பேரவை கூட்டம் சுமார் 10 நாட்கள் நடைபெறும். இந்த முறை ஆளுநர் உரை நிகழ்த்தியபின் மூன்று நாட்கள் மட்டுமே பேரவை நடைபெறும் என்றும், பொங்கல் பண்டிகையை முன்னிட்டு பேரவை ஒத்திவைக்கப்பட்டு மீண்டும் கூடும் என்றும் கூறப்படுகிறது. சட்டப்பேரவை தேர்தல் நடைபெற இருப்பதால் இதுவே கடைசி கூட்டத் தொடராக இருக்கும் என்றும், புதிய சட்டப்பேரவை கூடும்வரை இடைக்கால பட்ஜெட் தாக்கல் செய்யப்படும் என்றும் கூறப்படுகிறது. சட்டப்பேரவை நடக்கும் நாட்கள் மற்றும் அலுவல்கள் குறித்து அலுவல் ஆய்வுக்குழு முடிவு செய்து அறிவிக் கும்.
No comments:
Post a Comment