முதலமைச்சர் கருணாநிதி திருவாரூரில் இன்று பல்வேறு நிகழ்ச்சிகளில் கலந்து கொள்கிறார். இதையொட்டி சென்னையில் இருந்து நேற்று முன்தினம் (09.10.2010) காரில் புறப்பட்ட அவர் புதுவை, கடலூர் வழியாக இரவு சிதம்பரம் வந்தார்.
அண்ணாமலை பல்கலைக்கழக துணை வேந்தர் இல்லத்தில் தங்கினார்.
நேற்று (10.10.2010) காலை 9.45 மணிக்கு அவர் அங்கிருந்து கார் மூலம் திருவாரூர் புறப்பட்டு சென்றார். வழியில் வல்லம்படுகையில் கலைஞர் வீடு வழங்கும் திட்டத்தின் மூலம் கட்டப்பட்டு வரும் வீடுகளை பார்வையிட்டார்.
விவரங்களைக் கேட்டறிந்தார். உடன் மக்கள் நல்வாழ்வுத்துறை அமைச்சர் எம்.ஆர்.கே. பன்னீர்செல்வம், உணவுத்துறை அமைச்சர் எ.வ. வேலு, கடலூர் மாவட்ட ஆட்சியர் பி. சீதாராமன் ஆகியோர் உள்ளனர். பின்னர் அவர் நிருபர்களுக்கு பேட்டி அளித்தார். அப்போது அவர், ‘கலைஞர் வீடு வழங்கும் திட்டம் வெற்றிகரமான திட்டமாகும். இந்த திட்டத்தின் மூலம் 21 லட்சம் வீடுகள் கட்டப்பட்டு வருகின்றன. மக்கள் மிகவும் மகிழ்ச்சியாக இருக்கிறார்கள்’என்று கூறினார். பிரச்சினைக்குரிய விஷயம் என்பதால் பின்னர் முடிவு செய்யப்படும். |
No comments:
Post a Comment