கொளத்தூர் தொகுதியில் மு.க.ஸ்டாலின் நன்றி அறிவிப்பு பிரசாரம்

திமுக தலைமைக் கழகம் 16.05.2011 அன்று வெளியிட்ட அறிக்கை:

தமிழக சட்டப்பேரவைத் தேர்தலில் கொ ளத்தூர் தொகுதியில் போட்டியிட்டு முன்னாள் துணை முதல்வர் மு.க.ஸ்டாலின் வெற்றி பெற்றார். இதையடுத்து, தொகுதி வாக்காளர்களுக்கு மு.க. ஸ்டாலின் நன்றி சொல்ல உள்ளார். அதன்படி 50, 54 வட்டங்களில் இன்று மாலை 4 முதல் இரவு 10 மணி வரை வாக்காளர்களை சந்தித்து நன்றி கூறுகிறார். 54வது வட்டம் 25வது தெரு முத்துமாரியம்மன் கோயிலில் நன்றி அறிவிப்பு பிரசாரத்தை தொடங்குகிறார்.

51, 52, 53 வட்டங்களில் நாளை மாலை 4 முதல் இரவு 10 மணி வரை வாக்காளர்களை சந்தித்து நன்றி சொல்கிறார். 51வது வட்டம் கோபாலபுரம் சந்திப்பில் உள்ள டாக்டர் அம்பேத்கர் சிலைக்கு மாலை அணிவித்து பிரசாரத்தை தொடங்குகிறார். 62வது வட்டத்தில் வரும் 19ம் தேதி மாலை 4 முதல் இரவு 10 மணி வரை வாக்காளை சந்தித்து நன்றி செல்ல உள்ளார். கொளத்தூர் அண் ணா சிலை அருகில் உள்ள அம்பேத்கர் சிலைக்கு மாலை அணிவித்து பிரசாரத்தை தொ டங்குகிறார்.

இவ்வாறு அறிக்கையில் கூறப்பட்டுள்ளது.