பழனிவேல்ராஜன் நினைவு நாள் படத்துக்கு மு.க.அழகிரி மாலை

முன்னாள் சபாநாயகர் பழனிவேல்ராஜன் நினைவு நாளையொட்டி 20.05.2011 அன்று அவரது உருவப் படத்துக்கு மத்திய அமைச்சர் மு.க.அழகிரி மாலை அணிவித்து மரியாதை செலுத்தினார்.

மறைந்த முன்னாள் சபாநாயகர் பி.டி.ஆர்.பழனிவேல்ராஜனின் 5ம் ஆண்டு நினைவு நாள் 20.05.2011 அன்று கடைப்பிடிக்கப்பட்டது. இதையொட்டி மதுரை சொக்கிகுளத்தில் உள்ள அவரது இல்லத்துக்கு மத்திய ரசாயனம் மற்றும் உரத்துறை அமைச்சர் மு.க.அழகிரி சென்றார். அங்கு பழனிவேல்ராஜனின் உருவப்படத்துக்கு மாலை அணிவித்து மரியாதை செலுத்தினார்.

அப்போது பழனிவேல்ராஜனின் மனைவி ருக்மணி அம்மாள், மகன் தியாகராஜன் மற்றும் குடும்பத்தினர், மாவட்ட திமுக செயலாளர்கள் தளபதி, மூர்த்தி ஆகியோர் உடன் இருந்தனர்.