மருத்துவமனையில் துரைமுருகனிடம் முதல்வர் நலம் விசாரிப்பு

சென்னை போரூர் ராமச்சந்திரா மருத்துவமனையில் சிகிச்சை பெற்று வரும் துரைமுருகனிடம் முதல்வர் கருணாநிதி நலம் விசாரித்தார்.

அமைச்சர் துரைமுருகனுக்கு திடீர் காய்ச்சல் ஏற்பட்டது. அவர் கடந்த 2 நாட்களுக்கு முன் மருத்துவமனையில் அனுமதிக்கப்பட்டார். 25.07.2010 அன்று மாலை 6 மணிக்கு முதல்வர் கருணாநிதி போரூர் ராமச்சந்திரா மருத்துவமனைக்கு சென்று, சிகிச்சை பெற்று வரும் துரைமுருகனை நேரில் சந்தித்து, உடல்நலம் குறித்து விசாரித்தார். சிகிச்சை பற்றியும் மருத்துவர்களிடம் கேட்டறிந்தார். அவருடன், அமைச்சர் ஆற்காடு வீராசாமி, மத்திய அமைச்சர் ஆ.ராசா ஆகியோர் உடன் சென்றனர்.