கோவையில் உலகத்தமிழ் செம்மொழி மாநாடு வரும் 23-ம் தேதி தொடங்கி 27-ம் தேதி வரை 5 நாட்கள் கோலாகலமாக நடைபெறுகிறது.

இம் மாநாட்டில் கலந்துகொள்வதற்காக, முதலமைச்சர் கருணாநிதி இன்று கோவை சென்றார். காலை 12.30 மணிக்கு விமானம் மூலம் கோவை வந்த அவருக்கு, விமான நிலையத்தில் உற்சாக வரவேற்பு அளிக்கப்பட்டது.

இதில் துணை முதல்-அமைச்சர் மு.க.ஸ்டாலின் மற்றும் அமைச்சர்கள் பங்கேற்றனர். சிறிது நேர ஓய்வுக்கு பின் முதலமைச்சர் கருணாநிதி மாநாட்டு ஏற்பாடுகளை நேரில் ஆய்வு செய்கிறார்.