கலைஞருக்கு லண்டன் தமிழ் மருத்துவர்கள் சங்கம் பாராட்டு

தமிழக முதல்வர் டாக்டர் கருணாநிதியை லண்டன் தமிழ் மருத்துவர்கள் சங்கத்தின் சார்பில் டாக்டர் யூசுப் மரியாதை நிமித்தம் நேற்று (16-10-2010) சந்தித்தார்.

முதல்வர் கருணாநிதியிடம் ஏழைகளுக்கும் உயர் மருத்துவ சிகிச்சை அளித்து அவர்களின் உயிர் காக்கும் வகையில் கலைஞர் காப்பீட்டுத் திட்டம் செயல்படுத்தப்பட்டு இதுவரை 2 லட்சத்திற்கும் மேற்பட்ட ஏழையெளியோரின் உயிர்கள் காப்பாற்றப்பட்டிருப்பதையும்,

108 ஆம்புலன்ஸ் இலவச சேவை மூலமாக கிராமப்புற-நகரப்புற மக்கள் பலர் உரிய நேரத்தில் சிகிச்சை பெற்று பலனடைந்துள்ளதையும் சுட்டிக்காட்டி தமிழக அரசின் மக்கள் நலன் காக்கும் திட்டங்களைப் பாராட்டிய டாக்டர் யூசுப், மருத்துவம் பயிலும் தமிழக மாணவர்கள் பலன் பெறும் வகையில், 40 ஆயிரம் ரூபாய் மதிப்புடைய 5 ஆண்டுகளுக்கான எம்.பி.பி.எஸ். பட்டப் படிப்புக்குரிய அனைத்து மருத்துவப் புத்தகங்கள் இரண்டு படியினை அண்ணா நூற்றாண்டு நூலகத்திற்கு அன்பளிப்பாக வழங்கினார்.

அப்போது துணை முதல்வர் மு.க. ஸ்டாலின், பள்ளிக்கல்வித் துறை அமைச்சர் தங்கம் தென்னரசு, மாநிலங்களவை உறுப்பினர் கவிஞர் கனிமொழி ஆகியோர் உடனிருந்தனர்.