விவசாயக் கடன் ணீ7,000 கோடி தள்ளுபடி - நிதியமைச்சர் அன்பழகன் பேச்சு

ஒரு ரூபாய் அரிசியால் தமிழகத்தில் பட்டினி சாவு இல்லை என்று நிதி அமைச்சர் அன்பழகன் பேசினார்.

கரூர் மாவட்டம் அரவக்குறிச்சி சட்டப்பேரவை தொகுதியில் திமுக வேட்பாளர் கே.சி.பழனிச்சாமியை ஆதரித்து, புங்கம்பாடி கார்னரில் நிதியமைச்சர் அன்பழகன் பேசியதாவது:

முதல்வர் கருணாநிதி ஆட்சியில் தமிழகம் பல்வேறு வகையில் வழிகாட்டியாக உள்ளது. பல்வேறு சாதனைகளுக்கு இஸ்லாமியர்கள் உறுதுணையாக உள்ளனர். இந்த அரசு சிறுபான்மை மக்களை மதிப்பதாகவும், அவர்களுக்கு பாதுகாப்பாகவும் உள்ளது. முதல்வர் அமைத்துள்ள கூட்டணி பலமான கூட்டணி.

வறுமையில் உள்ள ஏழைகளுக்கு கிலோ ஒரு ரூபாய் அரிசி மிகவும் பயனுள்ளதாக உள்ளது. இதனால்தான் மற்ற மாநிலங்களில் உள்ளது போல பஞ்சம், பசியால் தமிழகத்தில் தற்கொலை இல்லை. முன்பெல்லாம் இரவு பிச்சை என்று பல பேர் வருவார்கள். ஆனால், இன்று இரவு பிச்சை என்பதே இல்லை. விவசாயிகள் வேதனை தீரும் வகையில் ஸீ7,000 கோடிக்கு கடன் தள்ளுபடி செய்யப்பட்டது. இதனால் உணவு பஞ்சம் வராது.

நஞ்சை, புஞ்சை நிலங்களுக்கு வரி குறைக்கப்பட்டுள்ளது. பெண்களுக்கு திருமண நிதியுதவித் திட்டம் ஏழை மக்களுக்கு மிகவும் பயனுள்ளதாக உள்ளது. இதனால் முதல்வர் கருணாநிதியின் நல்லாட்சிக்கு சான்றாக, சிறப்பான நிர்வாகம், உள்ளாட்சியில் சிறப்பான வளர்ச்சி, நியாய விலை கடைகளில் அத்தியாவசிய பொருட்கள் வழங்குதல், கல்வி வளர்ச்சி என தமிழகத்துக்கு 4 விருது கிடைத்துள்ளது.

தமிழகத்தில் அதிக பாலங்கள், சாலைகள் போடப்பட்டுள்ளது. இந்தியாவில் தமிழகத்தில்தான் அதிக தொழில் வளர்ச்சி பெற்றுள்ளது. மற்றவர்கள் ஆட்சிக்கு வந்தால் அமைதி, ஒழுக்கம், கட்டுப்பாடு தவறி விடும். நாட்டுக்கு பாதிப்பு ஏற்படும்.

இவ்வாறு அன்பழகன் பேசினார்.

வைகோவுக்கு ஏற்பட்ட பரிதாப நிலை விஜயகாந்துக்கும் நாளை நிச்சயம் ஏற்படும் - திண்டுக்கல் ஐ.லியோனி

திருவள்ளூர் மாவட்டம், கும்மிடிப்பூண்டி தொகுதி பாமக வேட்பாளர் கே.என்.சேகரை ஆதரித்து, பெரியபாளையத்தில் நடந்த பிரசார கூட்டத்தில், பட்டிமன்ற பேச்சாளர் திண்டுக்கல் ஐ.லியோனி பேசியதாவது:

பட்டிமன்ற பேச்சாளர் அரசியலுக்கு வந்து பிரசாரம் செய்யலாமா என கேட்கின்றனர். தமிழர்களின் தலைவருக்காக பிரசாரம் செய்கிறேன். முதல்வர் கருணாநிதி, கூட்டணி கட்சித் தலைவர்களிடம் மரியாதையோடு பேச்சுவார்த்தை நடத்தினார். ஆனால், அதிமுக கூட்டணியில் பேச்சுவார்த் தை முடிந்த பிறகு, 3, 4வது அணி அமைக்கலாமா என்று பேசினர்.

திமுக, சாதனைகளை கூறி ஓட்டுக் கேட்கிறது. எம்ஜிஆர் போல் மாறுவேடம் அணிந்துதான் அதிமுகவினர் ஓட்டு கேட்கின்றனர். ஜெயலலிதா ஒரு ரூபாய் சம்பளம் வாங்கி, ஐதராபாத் திராட்சை தோட்டம் 25 காசுக்கும், சிறுதாவூர் பங்களா 25 பைசாவுக்கும், கொடநாடு எஸ்டேட் 25 பைசாவுக்கும் வாங்கியிருக்கிறார். மீதமுள்ள 25 பைசாவை சாப்பாட்டு செலவுக்கு வைத்துக் கொண்டார்.

திமுக கூட்டணி கான்கிரீட் போன்று பலமான கூட்டணி. வைகோவுக்கு ஏற்பட்ட நிலைதான் விஜயகாந்துக்கும் ஏற்படும். திருப்பதிக்கு சென்று ஏழுமலையானை பார்க்க வேண்டும் என்றால், காசு கொடுத்தால்தான் பார்க்க முடிகிறது. அதேபோல் ஜெயலலிதாவை பார்க்க வேண்டும் என்றால், கட்சிக்காரர்கள் நிதி எடுத்து சென்றால்தான் பார்க்க முடியும். ஆனால், முதல்வர் கருணாநிதியை எப்போது வேண்டுமானாலும் பார்க்கலாம். மே மாதத்தில் கருணாநிதி மீண்டும் முதல்வராவது உறுதி.

இவ்வாறு அவர் பேசினார்.

கூட்டணி தலைவர்களை ஜெயலலிதா மதிப்பதில்லை - திண்டுக்கல் லியோனி பேச்சு :

காஞ்சிபுரம் தொகுதி பாமக வேட்பாளர் உலகரட்சகனை ஆதரித்து தேர்தல் பிரசார கூட்டம் 30.03.2011 அன்று நடந்தது. திமுக நகர செயலாளர் சேகர் தலைமை வகித்தார். காங்கிரஸ் நகர தலைவர் குப்பன் வரவேற்றார்.

கூட்டத்தில், பட்டிமன்ற பேச்சாளர் திண்டுக்கல் ஐ.லியோனி பேசியதாவது:

அண்ணா பிறந்த காஞ்சிபுரத்தில் பேசுவதில் மகிழ்ச்சி அடைகிறேன். முதல்வர் கருணாநிதி சொன்னதையும் செய்வார்; சொல்லாததையும் செய்வார். கடந்த தேர்தல் அறிக்கையில் கூறியபடி ஒரு ரூபாய்க்கு ஒரு கிலோ அரிசி, இலவச கலர் டிவி, கலைஞர் காப்பீட்டு திட்டம் உள்ளிட்ட திட்டங்களை நிறைவேற்றியுள்ளார்.

இந்த தேர்தல் அறிகையிலும் பல திட்டங்களை கூறியுள்ளார். அதையும் நிறைவேற்றுவார். கூட்டணி கட்சி தலைவர்களை மதிப்பவர் முதல்வர் கருணாநிதி. அதிமுக கூட்டணியில் உள்ள தலைவர்களை ஜெயலலிதா மதிப்பதில்லை. முதியோர்களுக்கு பென்ஷன் திட்டத்தை செயல்படுத்தியதன் மூலம் முதியோரின் பெண்ணும், சன்னும் (மகன்) தராததை முதல்வர் தந்துள்ளார். அவரை 6வது முறையாக முதல்வராக்க வேண்டும்.

இவ்வாறு லியோனி பேசினார்.

திட்டங்களும், சாதனைகளும் தொடர திமுக ஆட்சி தொடர வேண்டும் - துணை முதல்வர் மு.க. ஸ்டாலின்

தொகுதியில் திமுக வேட்பாளராக போட்டியிடும் ஏஎல்எஸ்.லட்சுமணனை ஆதரித்து, துணை முதல்வர் மு.க. ஸ்டாலின் 30.03.2011 அன்று தச்சநல்லூரில் பிரசாரத்தை தொடங்கினார். நெல்லை டவுன், காந்தி சிலை உள்ளிட்ட பகுதிகளில் பிரசாரம் செய்தார். பின்னர் பாளை தொகுதி திமுக வேட்பாளர் மைதீன்கானை ஆதரித்து பாளை மார்க்கெட், மேலப்பாளையம் பகுதிகளில் ஆதரவு திரட்டினார். பிரசாரத்தில் ஸ்டாலின் பேசியதாவது:

தேர்தல் நேரத்தில் மட்டும் நாங்கள் வந்து செல்பவர்கள் அல்ல. எப்படிப்பட்ட சூழ்நிலையிலும் உங்களோடு இருந்து பணியாற்ற கூடியவர்கள். சிலர் தேர்தல் நேரத்தில் மட்டும் வருவார்கள். எதிர்க்கட்சி தலைவராக இருக்கும் ஜெயலலிதாவுக்கு நாட்டை பற்றியோ, தமிழகத்தை பற்றியோ கவலை இல்லை. தேர்தல் முடிந்ததும், அவர் தமிழ்நாட்டை மறந்து விடுவார். கொடநாட்டு மீதுதான் அக்கறை செலுத்துவார். தமிழக முதல்வர் கருணாநிதி தமிழ்நாட்டை பற்றி சிந்தித்து செயல்படக்கூடியவர். தாழ்த்தப்பட்ட, சிறுபான்மையின மக்கள், வறுமைக்கோட்டுக்கு கீழ் வாழும் மக்களுக்காக தொடர்ந்து இரவு, பகலாக பணியாற்றி கொண்டிருப்பவர். இந்த 5 ஆண்டுகளில் முதல்வர் கருணாநிதி தேர்தல் நேரத்தில் கொடுத்த வாக்குறுதிகளை எல்லாம் நிறைவேற்றி தந்துள்ளார்.

திட்டங்களை, சாதனைகளை தமிழகத்துக்கு தந்தவர் முதல்வர் கருணாநிதி. அவர் மற்ற மாநிலங்களுக்கு எடுத்துக்காட்டாக விளங்குகிறார். அப்படிப்பட்ட முதல்வரின் நல்லாட்சி தொடர வேண்டும் என்றே உங்களை தேடி, நாடி வந்துள்ளோம். கடந்த தேர்தலில் தமிழக முதல்வர் கொடுத்த வாக்குறுதிகளை நூற்றுக்கு நூறு சதவீதம் நிறைவேற்றி தந்துள்ளார். இந்த தேர்தலில் ஒன்றரை மணி நேரம் அவர் படித்த தேர்தல் அறிக்கை வாக்காளர்களாகிய உங்கள் மனதில் ஆழமாக பதிந்துள்ளது. அந்த கோரிக்கை களையும் முதல்வர் கருணாநிதி நிறைவேற்றுவார் என்ற நம்பிக்கை உங்களிடம் உள்ளது. இந்த திட்டங்களும், சாதனைகளும் தொடர திமுக ஆட்சி தொடர வேண்டும். அதற்கு முதல்வர் கருணாநிதி ஆட்சியில் அமர வேண்டும். இதற்காக நீங்கள் திமுக வேட்பாளரை வெற்றி பெற செய்ய வேண்டும்.

இவ்வாறு அவர் பேசினார்.

தேமுதிகவினருக்கு ஹெல்மெட் கட்டாயம்

துணை முதல்வர் மு.க.ஸ்டாலின் பேசுகையில், “தொகுதி பங்கீட்டின்போது தமிழக முதல்வர் கருணாநிதி தோழமைக்கட்சி தலைவர்களை அழைத்துப்பேசி எல்லோருக்கும் உரிய உரிமைகளையும், உரிய மரியாதைகளையும் தந்தார். ஆனால் எதிர்க்கட்சி தலைவியோ, தலைவர்களை அழைத்துப்பேசி என்ன மரியாதை தந்தார் என்பது வெட்ட வெளிச்சமாக தெரிந்தது. விஜயகாந்த் மார்க்கெட் போன முன்னாள் கதாநாயகன். இனிமேல் தேமுதிக கட்சியினர் எல்லோரும் ஹெல்மெட் போட்டுதான் போக வேண்டும். அவரது கட்சி வேட்பாளருக்கு அப்படி ஒரு அடி விழுந்ததை அனைவரும் பார்த்திருப்பீர்கள்” என்றார்.

ராஜபாளையம் - திருவில்லிபுத்தூரில் அழகிரி ஆலோசனை

ராஜபாளையத்தில் 29.03.2011 அன்று இரவு மத்திய அமைச்சர் மு.க.அழகிரி தலைமையில் நடந்த கூட்டத்தில் திமுக வேட்பாளர் தங்கப்பாண்டியன், திமுக ஒன்றிய செயலாளர் தனுஷ்கோடி, நகர திமுக செயலாளர் உதயசூரியன், முன்னாள் ஒன்றிய செயலாளர் கனக ராஜ், வக் கீல் ரூசோ, மாவட்ட மாண வரணி செயலாளர் ராஜா அருண்மொழி, பொறுப்பாளர் இமாம்ஷா உட்பட பலர் கலந்து கொண்டனர். தேர்தல் பணிகளில் மேற் கொள்ள வேண்டிய அணுகுமுறைகள் குறித்து கூட்டத் தில் ஆலோசிக்கப்பட் டது.

திருவில்லிபுத்தூர்:

திருவில்லிபுத்தூரில் நடந்த கூட்டத்தில் திமுக வேட்பாளர் துரை, ஊராட்சி ஒன்றியத் தலைவர் மல்லி ஆறுமுகம், மாநில பனைவாரியக் குழு உறுப்பினர் தங்கமாங்கனி, நகராட்சி துணைத் தலைவர் அழகர்சாமி, நகர செயலாளர் சிவக்குமார், இளைஞரணி முருகபூபதி உட்பட பலர் கலந்து கொண்டனர்.

திமுக தொண்டர்கள் மீது போலீசார் பொய் வழக்கு - தேர்தல் பார்வையாளர்களிடம் திமுக சார்பில் புகார் மனு

தேர்தல் பிரசாரத்திற்குச் செல்லும் தொண்டர்கள் மீது போலீசார் பொய் வழக்குப்பதிவு செய்வ தாக மதுரை மாவட்ட தேர்தல் பார்வையாளர்களிடம் திமுக சார்பில் புகார் மனு அளிக்கப்பட்டது.

மதுரை மாவட்ட தேர் தல் பார்வையாளர்கள் அனில்குமார், ஷிண்டே ஆகி யோரை நகர் மாவட்ட திமுக செயலாளர் தளபதி சார்பில், திமுக வழக்கறிஞர்கள் அணியை சேர்ந்த தலைமை செயற்குழு உறுப்பினர் வேலுச்சாமி, முன்னாள் மேயர் குழந்தைவேலு, வழக்கறிஞர் சாரங்கன், கருணாநிதி உள்பட நூற்றுக்கும் மேற் பட்ட வழக்கறிஞர்கள் சர்க் யூட் ஹவுஸில் சந்தித்து புகார் மனு அளித்தனர்.

வேலுச்சாமி, குழந்தைவேலு நிருபர்களிடம் கூறியதாவது:

தேர்தலில் போட்டியிடும் வேட்பாளர்களுக்கு ஆதர வாக அரசியல் கட்சித் தொண் டர்கள் பிரசாரத்தில் ஈடுபடுவது வாடிக்கை. இது சட்டத்திற்கு உட்பட்டதும் கூட. ஆனால், மதுரையில் உள் ள போலீசார், திமுக தொண்டர்களை பிரசாரம் செய்யவிடாமல் தடுத்து, அவர்கள் மீது பொய் வழக்கு போடுகின்றனர். இதுவரை திமுக தொண்டர்கள் மீது எட்டுக்கும் மேற்பட்ட பொய் வழக்குகள் பதிவு செய்துள்ளனர்.

ஒரு சில இடங்களில், குண்டர் சட்டத்தின் கீழ் உங் களை கைது செய்வோம் எனவும் மிரட்டுகின்றனர். இதுதொடர்பாக தேர்தல் பார்வையாளர்களிடம் புகார் அளித்துள்ளோம். எங்கள் புகாரை ஏற்றுக் கொண்ட தேர்தல் பார்வையாளர்கள், அனைத்துக்கட்சி கூட்டத்தைக் கூட்டி இதுதொடர்பான தகவல்களை தெரிவிக்கிறோம் என்று கூறினர்.

வாக்காளர்களுக்கு பூத் சிலிப்களை அரசியல் கட்சிகளே வழங்குவதற்கு அனுமதிக்க வேண்டும். மதுரையில் நடந்த பிரசார கூட்டத்தில் முதல்வர் கருணாநிதி, அவரது குடும்பத்தினரை இயக்குநர் சீமான் தனிப்பட்ட முறையில் விமர்சித்து பேசியுள்ளார். அவர் மீது போலீசார் இதுவரை நடவடிக்கை எடுக்கவில்லை. அவர் மீது நடவடிக்கை எடுக்காவிட்டால் போராட்டம் நடத்துவோம். இந்தத் தகவல்களை மனுவில் தெரிவித்துள்ளோம்.

இவ்வாறு அவர்கள் தெரிவித்தனர்.

முதல்வராக இருந்த போது திருமண உதவி திட்டத்தை நிறுத்தியவர் ஜெயலலிதா -

முதல்வராக இருந்த போது ஏழைப் பெண்களின் திருமண உதவி திட்டத்தை நிறுத்தியவர் ஜெயலலிதா என்று திருவில்லிபுத்தூரில் பாக்யராஜ் பேசினார்.

திருவில்லிபுத்தூர் தொகுதி திமுக வேட்பாளர் துரையை ஆதரித்து நடிகர் பாக்யராஜ் 28.03.2011 அன்று இரவு பேசியதாவது:

முதலில் தேர்தல் அறிக்கை வெளியிட்டது திமுக தான். எதிரணியில் சீட்டுக்காக சண்டையிடவே நேரம் சரியாய் போய்விட்டது. அதனால் அவர்களுக்கு தேர்தல் அறிக்கை தயாரிக்க நேரம் இல்லை.

குளத்தில் ஒருவன் மீன் பிடித்துக் கொண்டிருந்தான். அந்த வழியாகச் சென்ற வழிப்போக்கன், 'தூண்டிலில் மீன் மாட்டி விட்டது. வெளியே எடு’ என்று கூறியிருக்கிறான். அதற்கு, ‘நீயே என் கையை வெளியே தூக்கி விடேன்’ என்று மீன் பிடித்தவன் கேட்டானாம். வழிப்போக்கனும் கையை வெளியே எடுத்து விட்டான். ‘அப்படியே அந்த மீனை எடுத்து கூடையில் போடு’ என்று கேட்டிருக்கிறான். வழிப்போக்கன் அதையும் செய்தான். ‘தூண்டில் பிடித்திருக்கும் கையை திரும்பவும் குளத்து பக்கம் திருப்பி விடு’ என்றான் மீன் பிடிப்பவன். வெறுத்து போன வழிப்போக்கன், ‘வேலை செய்ய இவ்வளவு சிரமப்படறியே. கல்யாணம் செய்து கொள். உனக்கு பிறக்கிற பையன் கூடமாட உதவியாக இருப்பான்‘ என்று அட்வைஸ் கொடுத்திருக்கிறான். ‘நீயே பெண் பார். அதுவும் நிறைமாத கர்ப்பிணி பெண்ணாக பார்‘ என்றானாம். அது போல இருக்கிறது அதிமுக தேர்தல் அறிக்கை. ஏற்கனவே தயாரித்து ரெடியாக இருந்த திமுக தேர்தல் அறிக்கையை அப்படியே எடுத்து வாசித்து விட்டார் ஜெயலலிதா.

திருமண உதவித்திட்டத்தில் 4 கிராம் தங்கம் தருவேன் என்கிறார். இவர் முதல்வராக இருந்த போது ஏழைப் பெண்களின் திரு மண உதவித்திட்டத்தையே நிறுத்தினார். கரும்புக்கு கொள்முதல் விலையை விவசாயிகள் ஆயிரம் ரூபாயாக கேட்டபோது மறுத்த ஜெயலலிதா, இப்போது 2 ஆயிரத்து 500 தருவேன் என்கிறார். ஆகவே சிந்தித்து வாக்களியுங்கள். .

இவ்வாறு அவர் பேசினார்.

திமுகவை காப்பியடித்து ஜெயலலிதா தேர்தல் அறிக்கை வெளியிட்டுள்ளார்

திமுக தேர்தல் அறிக்கையை காப்பியடித்து, ஜெயலலிதா தேர்தல் அறிக்கை வெளியிட்டுள்ளார் என, மத்திய அமைச்சர் ப.சிதம்பரம் தெரிவித்துள்ளார்.

காரைக¢குடி சட்டமன்ற தொகுதி காங்கிரஸ்&திமுக கூட்டணி செயல் வீரர்கள் கூட்டம் தேவகோட்டையில் 29.03.2011 அன்று நடந்தது. நகர திமுக செயலாளர் மதார்சேட் தலைமை வகித்தார். நகராட்சித் தலைவர் வேலுச் சாமி வரவேற்றார். துணைத் தலைவர் பாலா, சுந்தரம் எம்எல்ஏ, முன்னாள் அமைச்சர் தென்னவன், துரை கருணாநிதி பேசினர்.

வேட்பாளர் கே.ஆர். ராமசாமியை அறிமுகம் செய்து வைத்து, மத்திய உள்துறை அமைச்சர் ப.சிதம்பரம் பேசியதாவது:

தொடர்ந்து 5 முறை எம்எல்ஏவாக இருந்தும், தற்போது 6வது முறையாக போட்டியிடும் ராமசாமி மீது கட்சி வைத்திருக¢கும் நம்பிக¢கை வீண் போகாது. நிச்சயம் அவர் வெற்றி பெறுவார். ஐந்து ஆண்டுகளுக¢கு முன்பு, திமுக தேர்தல் அறிக¢கை வெளியிட்டது. அதை 1991ல் ராஜீவ்காந்தி வெளியிட்ட தேர்தல் அறிக¢கையோடு ஒப்பிட வேண்டும். தேர்தல் அறிக¢கை என்றால் புலவர்கள், பேராசிரியர்கள்தான் எழுதுவார்கள். அது யாருக¢கும் புரியாது. பாமரனுக¢கும் புரியும்படி தேர்தல் அறிக¢கை வெளியிட்டது திமுக. அனைத்தையும் செயல்படுத்தியது. செய்வதைச் சொன்னது. சொன்னதைச் செய்தது. ஆனால் அது ஜெயலலிதா அம்மையாருக¢கு மட்டும் ஏனோ புரியவில்லை. இது சாத்தியமா, நடக¢குமா என கிண்டல் செய்தனர். ஏளனம் செய்தனர். இதைக¢கண்டு தி.மு.கவினர் கூட திகைத்தனர். சுதாரித்துக¢கொண்டு திமுக செய்து முடித்தது.

திமுக அரசின் சாதனை போல் எந்த மாநிலத்திலும் எந்த ஆட்சியும் செய்தது கிடையாது. கடந்த 3 ஆண்டுகளில், வன்முறையை கட்டுப்படுத்தி இருக¢கிறோம். தீவிரவாதிகளை சரணடையச் செய்திருக¢கிறோம். கருணாநிதி 70 ஆண்டுகால பொது வாழ்வில் தன்னை பெரியாரின் கொள்கையிலும், அண்ணாவின் கொள்கையிலும் ஆட்படுத்திக¢கொண்டு வாழ்ந்து வருகிறார். அவர் 70 ஆண்டுகளாக எழுதி, எழுதி, பேசிப்பேசி உழைக்கிறார். நீங்கள் 15 நாட்கள் மட்டும் உழைத்தாலே போதும். தேர்தல் என்பது ஜனநாயகத் திருவிழா. பத்திரிகைகளும், ஊடகங்களும் எங்களுக¢கு ஆதரவாகத்தான் இருக¢க வேண்டும். தேர்தல் கமிஷனுக¢கு ஆதரவாக இருக¢கக் கூடாது. தேர்தல் திருவிழா என்றால் கல, கலன்னு இருக¢க வேண்டும். நகராட்சி, பேரூராட்சிகள் தவிர மற்ற இடங்களில் சுவர்களில் விளம்பரம் எழுதலாம். கிராமங்களில் வேட்பாளர், வீட்டுக¢காரர் அனுமதியோடு சுவர் விளம்பரம் எழுதுங்கள். போஸ்டர் ஒட்டுங்கள். துண்டு பிரசுரம் வெளியிடுங்கள். தற்போது திமுக வெளியிட்டுள்ள தேர்தல் அறிக்கையில் நல்ல விஷயங்கள் இடம் பெற்றுள்ளன. இதை காப்பியடித்து ஜெயலலிதா, அக்கட்சியின் தேர்தல் அறிக்கையாக வெளியிட்டுள்ளார். ஜனநாயக முறைப்படி ஜனநாயகத் திரு விழா நடக¢கிறது. காங்கிரசை வெற்றி பெறச்செய்யுங்கள்.

இவ்வாறு பேசினார்.

மீராஉசேன் நன்றி கூறி னார். முப்பையூர், வெட்டிவயல், மேல்காரைக¢குடி கிராமங்களை சேர்ந்த ஏராளமானோர், சிதம்பரம் முன்னிலையில் காங்கிரசில் இணைந்தனர்.