கொ.மு.க வேட்பாளர்கள் முதல் பட்டியல் வெளியீடு

சட்டப்பேரவை தேர்தலில் போட்டியிடும் கொங்குநாடு முன்னேற்றக் கழகத்தின் முதல் வேட்பாளர் பட்டியல் வெளியிடப்பட்டுள்ளது.

கொங்குநாடு முன்னேற்றக் கழக தலைவர் பெஸ்ட் ராமசாமி, சென்னையில் 19.03.2011 அன்று நிருபர்களுக்கு அளித்த பேட்டி:

திமுக தலைமையிலான கூட்டணியில் கொங்குநாடு முன்னேற்றக் கழகத்துக்கு 7 தொகுதிகள் ஒதுக்கப்பட்டுள்ளது. இதில், 6 தொகுதிகளுக்கான முதல் வேட்பாளர் பட்டியல் அறிவிக்கப் பட்டுள்ளது.

அதன்படி, 1. சூலூர் - ஈ.ஆர்.ஈஸ்வரன்,
2. பல்லடம் - கே.பாலசுப்பிரமணியன்,
3. பொள்ளாச்சி - கே.நித்யானந்தன்,
4. உடுமலைப்பேட்டை - டி.இளம்பருதி,
5. பெருந்துறை - கே.கே.சி.பாலு,
6. கோபிசெட்டிப்பாளையம் - என்.எஸ்.சிவராஜ்
ஆகியோர் போட்டியிடுவார்கள்.

போட்டியிடும் வேட்பாளர்கள் அனைவரும் இன்ஜினியரிங் பட்டதாரிகள். நாமக்கல் தொகுதியில் போட்டியிட கடும் போட்டி நிலவுகிறது. எனவே, நாளை (20.03.2011 அன்று ) அந்த தொகுதிக்கான வேட்பாளர் அறிவிக்கப்படுவார்.

இந்த 7 தொகுதிகளிலும் அதிக வாக்குகள் வித்தியாசத்தில் கொங்குநாடு முன்னேற்றக் கழகம் வெற்றி பெறும். தமிழகத்தில் உள்ள 234 தொகுதிகளிலும் திமுக தலைமையிலான கூட்டணி அமோக வெற்றி பெற்று மீண்டும் ஆட்சியை பிடிக்கும்.

இவ்வாறு கொங்குநாடு முன்னேற்றக் கழக தலைவர் பெஸ்ட் ராமசாமி கூறினார்.