தமிழ்நாடு மிக பிற்படுத்தப்பட்டோர் நலக் கூட்டமைப்பு கூட்டம் கோவையில், மண்டலத் தலைவர் கேசவமூர்த்தி தலைமையில் நடந்தது. மண்டல செயலர் முருகன் வரவேற்றார். மண்டல பொருளாளர் வெங்கடேசன் நன்றி கூறினார். கூட்டத்தில், நிர்வாகிகள் மந்தராச்சலம், டோப்பாஸ் அய்யர், பழனிசாமி, ஜோதி, தமிழ்செல்வன் உள்பட பலர் கலந்து கொண்டனர். கூட்டத்தில் நிறைவேற்றப்பட்ட தீர்மானம்:
சட்டசபை தேர்தலில் திமுக கூட்டணி சார்பில் போட்டியிடும் அனைத்து வேட்பாளர்களும் வெற்றி பெறும் வகையில் தேர்தல் பணியாற்ற முடிவு செய்துள்ளது.
இவ்வாறு தீர்மானம் நிறைவேற்றப்பட்டது.
தி.மு.க.வுக்கு டிப்ரஸ்டு கிளாசஸ் ஆதரவு :
தி.மு.க.வுக்கு டிப்ரஸ்டு கிளாசஸ் ஆதரவு :
முன்னாள் மத்திய அமைச்சர் ஜெகஜீவன்ராம் தலைமையில் தாழ்த்தப்பட்டோருக்காக, ‘டிப்ரஸ்டு கிளாசஸ்’ என்னும் அமைப்பு தொடங்கப்பட்டது, அந்த அமைப்பின் காப்பாளராக நாடாளுமன்ற சபாநாயகர் மீராகுமார் உள்ளார். இந்த அமைப்பின், தமிழக தலைவர் அருள்தாஸ் வெளியிட்ட அறிக்கை:
எங்கள் அமைப்பின் மாநில நிர்வாகிகள், மாவட்ட தலைவர்கள் ஆலோசனை கூட்டம் சென்னையில் 29ம் தேதி நடந்தது. இந்த கூட்டத்தில் காங்கிரஸ் கட்சியுடன் இணைந்து செயல்படுவது என்றும், சட்டப்பேரவை தேர்தலில் திமுக கூட்டணி வேட்பாளர்களுக்கு ஆதரவாக பிரசாரம் செய்வது என்றும் முடிவு எடுக்கப்பட்டது.
No comments:
Post a Comment