முதல்வர் கருணாநிதியை ரஜினி நேற்று நேரில் சந்தித்தார். இச்சந்திப்பின் போது தனது இரண்டாவது மகள் சவுந்தர்யாவின் திருமண அழைப்பிதழை கொடுத்து திருமணத்திற்கு நேரில் வந்து மணமக்களை வாழ்த்த வேண்டும் என்று கேட்டுக்கொண்டார்.
ரஜினியின் இளைய மகள் சவுந்தர்யாவுக்கும், சென்னையில் கட்டுமான தொழில் செய்யும் அஸ்வின் ராம்குமாருக்கும் செப்டம்பர் 3-ந்தேதி திருமணம் நடக்கிறது. இரு வீட்டாரும் திருமண ஏற்பாடுகளில் தீவிரமாக ஈடுபட்டுள்ளனர்
சவுந்தர்யா திருமணத்திற்காக மூன்று விதங்களில் தயாராகியுள்ள அழைப்பிதழ்கள் கொடுக்கும் பணி தற்போது தீவிரமாக நடந்து வருகிறது. இந்தி சூப்பர் ஸ்டார் அமிதாப்பச்சன், அவரது மனைவி ஜெயா, மகன் அபிஷேக்பச்சன், ஐஸ்வர்யாராய் ஆகியோரும் கலந்து கொள்கிறார்கள். ரஜினிக்கு நெருக்கமான ஹாலிவுட் நடிகர் ரிச்சர்ட் கெரேவும் திருமணத்துக்கு அழைக்கப்படுகிறார். மேலும் மத்திய, மாநில அமைச்சர்கள், அரசியல் கட்சி தலைவர்கள் போன்றோரும் திருமணத்துக்கு அழைக்கப்படுகிறார்கள். திருமண அழைப்பிதழை சவுந்தர்யாவும், அஸ்வின் ராம்குமாரும் தேர்வு செய்துள்ளனர். முக்கிய பிரமுகர்களுக்கு அவர்களே நேரடியாக கொடுக்கின்றனர்.
முக்கியமானவர்களுக்கு ரஜினி நேரில் சென்று அழைப்பிதழ் கொடுத்துவருகிறார்.
தமிழ், தெலுங்கு, மலையாளம், கன்னட பட உலகினரும் பெருமளவில் வருகிறார்கள்.
No comments:
Post a Comment