திமுகவின் தொ.மு.ச. வெற்றி-73,450வாக்குகள்!

அரசு போக்குவரத்து கழக தொழிற்சங்க அங்கீகார தேர்தலில் திமுக தொழிற்சங்கமான தொமுச வெற்றி பெற்றது. இதை தொடர்ந்து முதல்வர் கருணாநிதியை அவரது இல்லத்தில் அமைச்சர் நேரு நேற்று சந்தித்து வாழ்த்து பெற்றார். அருகில், தொமுச தலைவர் குப்புசாமி, பொதுச்செயலாளர் சண்முகம்.

போக்குவரத்துக் கழக பணியாளர்களுக்கு 3 ஆண்டுக்கு ஒருமுறை ஊதிய உயர்வு ஒப்பந்தம் ஏற்படுத்தப்படும். இதற்காக தொழிற்சங்கங்களுடன் பேச்சு நடத்தி முடிவு செய்யப்படும். இந்த ஆண்டு புதிய ஊதிய உயர்வு ஒப்பந்தம் குறித்து பேச்சு நடத்த அனைத்து தொழிற்சங்கங்களுக்கும் அரசு அழைப்பு அழைப்பு விடுத்தது.

இதை எதிர்த்து பணியாளர் சம்மேளனம் உயர் நீதிமன்றத்தில் வழக்கு தொடர்ந்தது. வழக்கை விசாரித்த நீதிமன்றம், தொழிற்சங்கங்களுக்கு இடையே தேர்தல் நடத்தி, அதில் அதிக வாக்குகளை பெறும் தொழிற்சங்கம் மட்டுமே பேச்சுவார்த்தையில் பங்கேற்கலாம் என தீர்ப்பளித்தது. அதன்படி, அரசுடன் பேச்சுவார்த்தையில் பங்கேற்கும் தொழிற்சங்கத்தை தேர்வு செய்வதற்கான அங்கீகார தேர்தல், மாநிலம் முழுவதும் 513 போக்குவரத்து பணிமனைகளில் கடந்த 25ம் தேதி நடந்தது.

திமுக தொழிற்சங்கமான தொமுச, மார்க்சிஸ்ட் தொழிற்சங்கமான சிஐடியு, அதிமுகவின் அண்ணா தொழிற்சங்கம் உள்ளிட்ட 13 சங்கங்கள் போட்டியிட்டன. அண்ணா தொழிற்சங்கத்துக்கு தேமுதிக, ஐனதா தளம், புதிய தமிழகம், மதிமுக உள்ளிட்ட சங்கங்கள் ஆதரவு தெரிவித்திருந்தன.

தமிழகம் முழுவதும் வாக்குப்பதிவு மையங்களில் இருந்து 343 ஓட்டுப் பெட்டிகள், சென்னை குரோம்பேட்டையில் உள்ள அரசு போக்குவரத்துக் கழக மாநகர் மண்டல அலுவலகத்துக்கு கொண்டு வரப்பட்டன. அங்கு ஓய்வுபெற்ற நீதிபதி அப்துல் ஹாதி முன்னிலையில் நேற்று (27.11.2010) காலை 8 மணிக்கு வாக்கு எண்ணிக்கை தொடங்கியது. மாவட்ட வாரியாக ஓட்டுகள் எண்ணப்பட்டன. இன்று (28.11.2010) இறுதி முடிவு அறிவிக்கப்பட்டுள்ளது.

மொத்தம் 1 லட்சத்து 28,173 வாக்குகள் பதிவாகின. இதில் நேரடியாக பதிவு செய்யப்பட்ட வாக்குகள் 1 லட்சத்து 21,101. தபால் ஓட்டுகள் 6,498, செல்லாத ஓட்டுகள் 574. மொத்தம் செல்லுபடியான ஓட்டுகள் 1 லட்சத்து 27,599.

இதில் தொமுச 73,450 வாக்குகள் (57.31%) பெற்று வெற்றி பெற்றது. சிஐடியு 19,002 வாக்குகள் (14.83%) பெற்று 2வது இடத்தை பெற்றது. அண்ணா தொழிற்சங்க பேரவை (அதிமுக) 15,765 வாக்குகள் (12.30%) பெற்று 3வது இடத்தை பெற்றது.

திமுகவின் தொ.மு.ச. வெற்றி பெற்றுள்ளது.வெற்றி பெற்ற தொமுசவினர் பட்டாசு வெடித்தும், இனிப்புகள் வழங்கியும் கொண்டாடினர்.

தி.மு.க. தொழிற்சங்கமான தொ.மு.ச. பேரவை பொதுச் செயலாளர் மு.சண்முகம் வெளியிட்டுள்ள அறிக்கையில் கூறி இருப்பதாவது:

தி.மு.க. ஆட்சிக்கு வரும் போதெல்லாம் போக்குவரத்து கழக தொழிலாளர்கள் பல நல்ல பலன்களை பெற்று வருகிறார்கள். ஆனால் 2001ம் ஆண்டு போக்குவரத்து தொழிலாளர்களை அரசு ஊழியர் ஆக்குவேன் என்று தெரிவித்து ஆட்சிக்கு வந்த ஜெயலலிதா போக்குவரத்து கழகங்களை தனியாருக்கு விற்க ஆணை பிறப்பித்தார்.

போனஸ் தொகையை 20 சதவீதம் என்பதை 8.33 சதவீதமாக குறைத்தார். 3 ஆண்டு ஒப்பந்த ஊதியத்தை 5 ஆண்டு என்று தன்னிச்சையாக நீட்டித்தார். ஆண்டு தோறும் வழங்கிய பொங்கல் கருணைத் தொகை இல்லை என்று கூறினார்.

முழு ஓய்வூதியம் பெறுவதற்கான தகுதி காலம் 30 ஆண்டுகள் என்பதை 33 ஆண்டுகள் என்று உயர்த்தி ஒய்வூதியத்தில் குழப்பத்தை விளைவித்தார். இதனை எதிர்த்து போராடிய தொழிலாளர்களை பழி வாங்கி சிறைக்கு அனுப்பி பணி மாற்றம், பதவி இறக்கம் செய்து தொழிலாளர்களை பழி வாங்கினார்.

இவை எல்லாவற்றையும் எதிர்த்து போராடிய தொழிலாளர்களுக்கு தலைவர் கலைஞர் ஆறுதல் கூறி வந்தார். மீண்டும் 5வது முறையாக ஆட்சி பொறுப்பெற்ற பிறகு போக்குவரத்து கழக தொழிலாளர்களுக்கு எண்ணற்ற சலுகைகளை வழங்கினார்.

போராட்டத்தில் ஈடுபட்ட தொழிலாளர்களுக்கு வேலை நிறுத்த நாட்களை ஊதியத்துடன் கூடிய பணி நாட்களாக கருதி அரசு ஆணை பிறப்பித்தார். 5 ஆண்டு ஒப்பந்தம் என்பதை மீண்டும் 3 ஆண்டாக குறைத்து அரசு ஆணை பிறப்பித்தார். போனஸ் தொகை ரூ.5 ஆயிரம் என்பதை ரூ.8 ஆயிரத்து 400 ஆக உயர்த்தி வழங்கினார்.

ஓய்வூதியத்திற்கு வருமான வரி விலக்கு பெற்று தந்த ஒரே முதல்வர் கலைஞர்தான். 35 ஆயிரம் புதிய பணியாளர்களை தேர்வு செய்ததுடன் 10 ஆயிரம் புதிய பஸ்களை வாங்கித்தந்து போக்குவரத்து கழகத்தை மேம்படுத்தினார்.

இந்த சாதனைகளுக்கு உறுதுணையாக இருந்த தொ.மு.ச. பேரவை போக்குவரத்து கழக தொழிலாளர்களுக்கு பணியாளர் எண்ணிக்கையை மீண்டும் உயர்த்தவும், ஊதிய முரண்பாடுகளைகளையும், பதவி உயர்வு மற்றும் 5 ஆண்டுக்கு ஒரு ஆய்வுப் பலன்களை பெற்று தரவும், நீண்ட காலம் பணியாற்றிய தொழிலாளர்களுக்கு உள்ள ஊதிய தேக்க நிலையை களையவும், பேருந்து இயக்கம் மற்றும் எரிபொருள் சிக்கனம் என்ற பெயரால் தொழிலாளர்கள் பழி வாங்கப்படுவதை தடுக்கவும் தண்டனைகளை குறைக்கவும் தொ.மு.ச. பேரவை பாடுபடும் என்று தொழிலாளர்கள் மத்தியில் வாக்குறுதிகளை வைத்து ஓட்டு கேட்டது.

மின் வாரிய ஊழியர்களுக்கு இணையான அடிப்படை ஊதியம், பஞ்சப்படி, வீட்டு வாடகைபடி மற்றும் இதர சலுகைகளை பெற்று தருவோம் என வாக்குறுதி அளித்து தொ.மு.ச. வாக்கு கேட்டது.

தொழிலாளர்களுக்கு இடர் வரும்போது, முதல்வர் கருணாநிதியும், தொ.மு.ச. பேரவையும் உறுதுணையாக இருந்து குறைகளை தீர்த்ததை தொழி லாளர்கள் மறக்கவில்லை.

மீண்டும் ஆட்சிக்கு வந்த பிறகு பறிக்கப்பட்ட சலுகைகளை திரும்ப வழங்கி பணிச் சுமையை குறைத்த முதல் அமைச்சர் கருணாநிதிக்கும் தொ.மு.ச. பேரவைக்கும் நன்றி காணிக்கையாக வாக்கு களை அளித்து நன்றி கடன் செலுத்திய தொழிலாளர்களுக்கு தொ.மு.ச. பேரவை நெஞ்சார்ந்த நன்றியை தெரிவித்துக் கொள்கிறது. தொ.மு.ச. வெற்றிக்கு பாடுபட்ட அனைவருக்கும் தொ.மு.ச. மீண்டும் நன்றி தெரிவிக்கிறது. இவ்வாறு மு.சண்முகம் கூறியுள்ளார்.

போக்குவரத்து சங்க தேர்தலில் பங்கேற்ற மற்ற சங்கங்களின் ஓட்டு விவரம் வருமாறு:

புரட்சியாளர் அம்பேத்கர் தொழிலாளர் விடுதலை முன்னணி - 2,307.

இந்திய தேசிய போக்குவரத்து தொழிலாளர் சம்மேளனம் - 4,824.

நேதாஜி போக்குவரத்து தொழிலாளர்கள் பாதுகாப்பு தொழிற்சங்கம் - 293.

பாட்டாளி தொழிற்சங்க பேரவை - 2856.

தமிழ்நாடு போக்குவரத்து தொழிலாளர்கள் பாதுகாப்பு சங்கம் - 23.

தமிழ்நாடு அரசு போக்குவரத்துக் கழக பணியாளர்கள் சம்மேளனம் - 2204.

தமிழ்நாடு சாலை போக்குவரத்து தொழிலாளர்கள் எச்எம்எஸ் பேரவை - 915.

தமிழ்நாடு அரசு போக்குவரத்து கழக பட்டய (டிப்ளமோ) தொழில்நுட்ப பணியாளர்கள் சம்மேளனம் - 3,942.

தமிழ்நாடு அரசு போக்குவரத்து கழகங்களின் தொழிலாளர் சம்மேளனம் - 1,912.

தமிழ்நாடு அரசு போக்குவரத்து கழகங்களின் பட்டதாரி மற்றும் பொது தொழிலாளர்கள் நலச்சங்கம் - 105.

தொழிற்சங்க தேர்த லில் வெற்றி பெற்றதற் கான சான்றிதழை தொழி லாளர் முன்னேற்ற சங்க பேரவை தலைவர் செ. குப்புசாமியிடம் தேர்தல் அதிகாரியும், ஓய்வு பெற்ற நீதிபதியான அப் துல் ஹாதி வழங்கினார்.

தமிழகத்தில் 12 ஆண்டு க்கு முன்பு 1998ல் தொழிற்சங்க அங்கீகார தேர்தல் நடந்தது. அந்த தேர்தலில் வெற்றிப்பெற்ற தொமுசவுக்கு 26 ஆயிரத்து 577 ஓட்டுகள் கிடைத்தது. இந்த தேர்தலில் கூடுதலாக 46 ஆயிரத்து 873 ஓட்டுகள் வாங்கியுள்ளது.

அண்ணா தொழிற்சங்கம் 23 ஆயிரத்து 917 ஓட்டுகள் வாங்கி, இரண் டாம் இடத்தை பிடித்தது. இந்த தேர்தலில் 8 ஆயிரத்து 152 ஓட்டுகள் குறைந்து, 3வது இடத்திற்கு அண்ணா தொழிற்சங்கம் தள்ளப்பட்டு ள்ளது. சிஐடியூ 15 ஆயிரத்து 890 ஓட்டுகள் வாங்கி நான் காம் இடத்தில் இருந்தது. இந்த தேர்தலில் கூடுதலாக 3 ஆயிரத்து 112 ஓட்டுகள் வாங்கி 2ம் இடத்திற்கு முன்னேறியுள்ளது. பணியாளர் சம்மேளனம், ஏஐடியூசி சங்கங்களின் ஓட்டு விகிதம் குறைந்துள்ளது.

தமிழகத்தில் அனைத்து டெப்போக்களிலும் தொமுச அதிக ஓட்டுகள் வாங்கியுள் ளது. ஆனால், மதுரை, குமரி மாவட்டம் மார்த்தாண்டாம் அரசு விரைவு போக்குவரத்து கழக டெப்போக்களில் மட்டும் சிஐடியூ அதிக ஓட்டு வாங்கியுள்ளது. மதுரை அரசு விரைவு போக்குவரத்து கழக டெப்போவில் 585 ஓட் டுகள் பதிவாகின. அதில், சிஐடியூ - 286, தொமுச - 212, அண்ணா தொழிற்சங்கம் - 69, பணியாளர் சம்மேளனம - 10 ஓட்டுகள் பெற்றுள்ளது.

ஜெயா ஆட்சியில் திருமண நிதி உதவித் திட்டம் நிறுத்தப்பட்டதா? இல்லையா? - மு.க. ஸ்டாலின்

ஜெயலலிதா ஆட்சியில் மூவலூர் ராமாமிர்தம் திருமண நிதி உதவித் திட்டம் நிறுத்தப்பட்டிருந்தது என்று துணை முதல்வர் மு.க.ஸ்டாலின் கூறியுள்ளார்.

இதுகுறித்து அவர் 28.11.2010 அன்று வெளியிட்ட அறிக்கை:

ஜெயலலிதா விடுத்த அறிக்கையில், Òதிருமண உதவித் திட்டம், அ.தி.மு.க. ஆட்சிக் காலத்தில் நிறுத்தப்பட்டது என்று மு.க.ஸ்டாலின் பேசியிருப்பது உண்மைக்கு புறம்பானதுÓ என்று எழுதியிருக்கிறார். ஆனால், அவரே மூவலு£ர் ராமாமிர்தம் அம்மையார் நினைவு திருமண திட்டம், தனது ஆட்சியில் கைவிடப்பட்டது என்று எழுதி, எனது கூற்றை ஒப்புக் கொண்டிருக்கிறார்.

திருமண உதவித் திட்டத்தைப் பொறுத்தவரையில் 5 திட்டங்கள் தமிழக அரசினால் நடைமுறைப்படுத்தப்பட்டு வருகின்றன. இதில் 4 திட்டங்கள் சிறிய திட்டங்கள். அவை குறிப்பிட்ட பிரிவினருக்காக மட்டும் நடத்தப்படுபவை.

உதாரணமாக, ஏழை விதவைகளாக இருப்பவர்களின் மகள்கள் திருமண உதவித் திட்டம், இந்தத் திட்டம் ஈ.வெ.ரா மணியம்மையார் பெயரால் இயங்கி வருகிறது. இத்திட்டத்தின் கீழ் ஏழை விதவைகளாக இருப்பவர்களின் பெண்கள் மட்டுமே பயன்பெற முடியும்.

2வது திட்டம் ஆதரவற்ற பெண்களுக்கு திருமணத்திற்காக நிதி உதவி அளிக்கும் திட்டம். இத்திட்டம் அன்னை தெரசா பெயரால் இயங்கி வரும் திட்டமாகும். 3வது திட்டம் டாக்டர் தர்மாம்பாள் அம்மையார் பெயரால் இயங்கி வரும் விதவைகள் மறுமணத் திட்டம்.

4வது திட்டம், கலப்புத் திருமணம் செய்து கொள்வோருக்கு எனது பாட்டியார் அஞ்சுகம் அம்மையார் பெயரால் நடத்தப்படும் திட்டம். இந்த 4 திட்டங்களையும் விட, மிகப் பெரிய திட்டம், அனைத்து ஏழைப் பெண்களுக்கும் திருமணம் செய்து கொள்வதற்காக வழங்கப்படும், மூவலு£ர் ராமாமிர்தம் அம்மையார் நிதி உதவித் திட்டம்.

இத்திட்டத்தின்கீழ்தான் அதிகமான பெண்கள் பயன் பெற முடியும். இத்திட்டம் 1989ம் ஆண்டு முதல்வர் கருணாநிதியால் அறிமுகப்படுத்தப்பட்ட போது, தரப்பட்ட உதவித் தொகை 5 ஆயிரம் ரூபாய். மீண்டும் 1996ல் திமுக ஆட்சியில் 10 ஆயிரம் ரூபாயாக உயர்த்தப்பட்டது. அப்போது, 2 லட்சத்து 28,593 ஏழைப் பெண்களுக்கு 228 கோடியே 59 லட்சத்து 30,000 ரூபாய் வழங்கப்பட்டது.

ஜெயலலிதா தனது அறிக்கையிலே அவருடைய ஆட்சியிலே, ஈ.வெ.ரா. மணியம்மையார் நினைவு ஏழை விதவையரது மகள் திருமண உதவித் திட்டம், அன்னை தெரசா நினைவு ஆதரவற்ற பெண்கள் திருமண நிதி உதவித் திட்டம், டாக்டர் தர்மாம்பாள் அம்மையார் நினைவு விதவை மறுமண நிதி உதவித் திட்டம், கலப்புத் திருமண நிதி உதவித் திட்டம் என நான்கு விதமான திருமண நிதி உதவித் திட்டங்கள் செயல்படுத்தப்பட்டன என்று சொல்லியிருக்கிறார்.

இதிலேகூட 3 திட்டங்கள் யாருடைய நினைவால் நடத்தப்படுகின்றன என்று குறிப்பிடும்போது கலப்புத் திருமண நிதி உதவித் திட்டம் எனது பாட்டியார் அஞ்சுகம் பெயரிலே உள்ள திட்டம் என்பதால், பெருந்தன்மையோடு அந்தப் பெயரை விட்டு விட்டார். ஜெயலலிதா தனது அறிக்கையில் இலவசத் திருமணத் திட்டத்தை அறிமுகப்படுத்தியவர் எம்.ஜி.ஆர். என்றும் சொல்லியிருக்கிறார்.

எம்.ஜி.ஆர். ஆட்சிக் காலத்தில் ஏழை விதவைத் தாய்மார்களின் பெண்களுக்கும், ஆதரவற்ற பெண்களுக்கும் நிதி உதவி அளிக்கும் திட்டங்கள் மட்டுமே நடைமுறையில் இருந்தன. ஆனால், 1967ம் ஆண்டிலேயே திமுக ஆட்சியில் கலப்புத் திருமண நிதி உதவித் திட்டம் தொடங்கப்பட்டு விட்டது. குறிப்பாக, ஏழைப் பெண்களுக்கு அதிக எண்ணிக்கையில் திருமண நிதி உதவி அளிக்கும் திட்டம் திமுக ஆட்சியில் முதல்வர் கருணாநிதி பிறந்த நாளை முன்னிட்டு தொடங்கப்பட்டது.

இதற்கும் ஜெயலலிதா ஆதாரம் கேட்பாரானால், 1989&90ம் ஆண்டுக்கான நிதி நிலை அறிக்கையில் குறிப்பிட்டுள்ளதை பார்க்கலாம். இத்திட்டம் 1989ம் ஆண்டு பீ5000 நிதி உதவித் திட்டத்துடன் தொடங்கப்பட்டு செயல்பாட்டில் இருந்தது. 1996 முதல் திமுக ஆட்சியில் பீ10000 ஆக உயர்த்தப்பட்டது. இத்திட்டம், 2002ல் ஜெயலலிதா ஆட்சியிலே நிறுத்தப்பட்டது. பின்னர் 2006 முதல் இவ்வரசால் மீண்டும் செயல்படுத்தப்பட்டு பீ15,000 என உதவித்தொகை உயர்த்தப்பட்டது. மீண்டும் 2008 முதல் இந்த ஆட்சியில் நிதி உதவியை பீ20000 என்று உயர்த்தி வழங்கியது. மாநில அரசின் முன்னோடி நிதித் திட்டமாக இத்திட்டம் செயல்படுவதால் இதுவரை வழங்கப்பட்ட நிதியுதவித் தொகை 1.4.2010 முதல் பீ25,000 ஆக உயர்த்தப்பட்டுள்ளது. மேலும் இத்திட்டத்தில் இலங்கை அகதிகள் சுமார் 1100 பேர்கள் பயனடையும் விதத்தில் பீ2.20 கோடி நிதி ஒதுக்கீடு செய்யப்பட்டுள்ளது.

இத்திட்டத்தின் கீழ் கடந்த ஐந்தாண்டில் மட்டும் 4 லட்சத்து 39,538 ஏழைப் பெண்களின் திருமணத்திற்கு நிதியுதவியாக பீ832.10 கோடி செலவிடப்பட்டுள்ளது. இந்தத் திட்டத்தைத் தான் ஜெயலலிதா தனது ஆட்சிக் காலத்தில் நிறுத்தி விட்டார். அதே நேரத்தில் அவரது ஆட்சிக் காலத்தில் நான்கு பிரிவினருக்கு நிதி உதவிகள் வழங்கியதாக, அவரது அறிக்கையிலே சொல்லியிருக்கிறாரே, அந்த நான்கு திட்டங்களுக்கும் சேர்ந்து எத்தனை பேர்களுக்கு எவ்வளவு செலவிடப்பட்டது தெரியுமா?

2006 முதல் 2009&2010 வரை மூவலு£ர் ராமாமிர்தம் அம்மையார் பெயரால் உள்ள ஏழைப் பெண்கள் திருமண நிதி உதவித் திட்டத்தின் கீழ் 3 லட்சத்து 44 ஆயிரத்து 456 பேர்களுக்கு நிதி உதவி அளிக்கப்பட்டது. அதே நேரத்தில் ஜெயலலிதா குறிப்பிட்டுள்ள அந்த நான்கு திட்டங்களின் மூலமாக இதே கால கட்டத்தில் நிதி உதவி பெற்றோரின் எண்ணிக்கை 17,585 பேர்கள் மட்டுமே.

ஜெயலலிதா தனது ஆட்சிக் காலத்தில் நிறுத்தி வைத்த மூவலு£ர் ராமாமிர்தம் அம்மையார் பெயரிலான திருமண நிதி உதவித் திட்டத்திற்காக மட்டும் 2010&2011ம் ஆண்டுக்கான நிதி நிலை அறிக்கையில் 1 லட்சத்து 20,000 குடும்பங்கள் பயனடையத்தக்க விதத்தில் 300 கோடி ரூபாய் ஒதுக்கப்பட்டுள்ளது.

2006 முதல் 2010 வரை திருமண நிதி உதவித் திட்டங்களின் கீழ் செலவழிக்கப்பட்டது 882 கோடியே 6 லட்சம் ரூபாய். பயனாளிகள் 4 லட்சத்து 67,419 பேர்.

ஆனால் ஜெயலலிதா தனது ஆட்சிக் காலத்தில் அந்த நான்கு திட்டங்கள் ஒவ்வொன்றுக்கும் 4 கோடி ரூபாய் மட்டுமே நிதி ஒதுக்கினார். அந்த ஐந்தாண்டு காலத்தில் அவர் கூறும் நான்கு திட்டங்களின் மூலமாக 17,585 பேர்களுக்கு 22.51 கோடி ரூபாய் மட்டுமே வழங்கப்பட்டது என்பதிலிருந்தே, யாருடைய அறிக்கை கோயபல்ஸ் அறிக்கை, விஷமத்தான அறிக்கை, கண்டிக்கத்தக்க அறிக்கை என்பதை புரிந்து கொள்ள முடியும்.

கடந்த சில நாட்களுக்கு முன்பு கலைஞர் வீடு வழங்கும் திட்டத்தில் முறைகேடுகள், தவறுகள் என்றெல்லாம் இதே ஜெயலலிதா அறிக்கை விட்டு, அந்தக் குற்றச்சாட்டுகளை நிரூபிக்க அவர் தயாரா? என்று நான் சவால் விடுத்ததும், அதற்குப் பிறகு வாரங்கள் பல கடந்தும்கூட, அந்த சவாலுக்கு பதில் கூற முன் வராத ஜெயலலிதா என்னுடைய இந்தப் பதிலுக்காவது அவரது அடுத்த அறிக்கையிலே விளக்கம் தருவாரா? தரத் தயாரா?

இவ்வாறு மு.க.ஸ்டாலின் கூறியுள்ளார்.

கல்வி செல்வத்தை மாணவர்கள் பயன்படுத்திக் கொள்ள வேண்டும் - முதல்வர் கருணாநிதி

‘ஏழை மக்களும் பசியாறி படிக்க தொடர்ந்து செய்வோம், தொடருவோம். கல்விச் செல்வத்தை மாணவர்கள் பாழாக்கிவிடக் கூடாது. பயன்படுத்திக் கொள்ள வேண்டும் என்று திருவள்ளுவர் பல்கலைக்கழக புதிய கட்டிட திறப்பு விழாவில் முதல்வர் கருணாநிதி பேசினார்.

அவர் பேசியதாவது:

வேலூர் அருகே திருவள்ளுவர் பல்கலைக்கழக புதிய கட்டிடத்தை நேற்று (27.11.2010) முதல்வர் கருணாநிதி திறந்துவைத்து பேசியதாவது:

இந்த விழாவுக்கு வருவதற்காக சென்னையில் இருந்து காலை 8 மணிக்கு புறப்பட்டும்கூட இங்கு வருவது வரை வழியெங்கும் பல்லாயிரக்கணக்கான மக்கள் கொடுத்த வரவேற்பை கடந்து வருவதில் தாமதமாகிவிட்டது. அந்த கவலையை போக்கும் வகையில் இங்கேயும் மக்கள் வெள்ளம்போல திரண்டிருப்பதை பார்க்கும்போது மகிழ்ச்சி அளிக்கிறது.

இங்கு பேசிய எம்எல்ஏ ஞானசேகரன் பல்கலைக்கழகத்தில் தற்காலிகமாக பணிபுரிந்து வரும் 84 ஊழியர்களை நிரந்தரம் செய்ய வேண்டும் என கோரிக்கைவிடுத்தார்.

நிரந்தரமாக்க ஒரு முறை உள்ளது. அதன்படி வெகு விரைவில் 84 பேருக்கும் ஒரு தேர்வு வைத்து தேர்ச்சி பெறுபவர்கள் நிரந்தர ஊழியர்களாக்கப்படுவார்கள். பல்கலைக்கழக வளாகத்தில் மாணவர்களுக்கான விடுதியும் அமைக்கப்படும். வேலூரில் ஆங்கிலேயர் ஆட்சிக்காலம் முதல் இப்போதும் ஆபீசர்ஸ் லைன் என்று இருப்பதை அண்ணா சாலை எனவும், லாங்கு பஜார் என்பதை கிருபானந்தவாரியார் சாலை எனவும் பெயர் மாற்றம் செய்ய வேலூர் மாநகராட்சியில் தீர்மானம் நிறைவேற்றி முன்மொழிவு அனுப்பப்பட்டு உள்ளது.

அதன்படி அண்ணா சாலை எனவும் கிருபானந்தவாரியார் சாலை எனவும் மாற்றி இங்கேயே ஆணை பிறப்பிக்கிறேன்.

வேலூர் மாவட்ட கலெக்டர் அலுவலக வளாகத்தில் ரூ.25 லட்சம் செலவில் கட்டப்பட்டு வரும் மக்கள் குறைதீர்வு அலுவலக கட்டிடத்துக்கு காயிதேமில்லத் பெயர் சூட்டப்படுகிறது.

இங்குள்ள கூட்டம் தமிழகமே திரும்பி பார்க்கும் வகையில், டிவிகளில் பார்த்து வியக்கும் வகையில் மாணவர்கள், ஆசிரியர்கள், கல்லூரிகளில் இருந்து ஆயிரக்கணக்கில் திரண்டு வந்துள்ளார்கள். இந்த ஆட்சியில் கல்வி எந்த அளவு உயர்வு பெற்றுள்ளது, வரவேற்பு பெற்றுள்ளது என்பதை அறிவேன்.

காமராஜர் முதல்வராக இருந்தபோது மாடு மேய்த்துக் கொண்டிருந்த சிறுவனைப் பார்த்து, ‘ஏன் பள்ளிக்கு செல்லவில்லை?’ என்று கேட்டார். அதற்கு அந்த சிறுவன், ‘படிக்கலாம், ஆனால் சாப்பாட்டுக்கு வழியில்லையே’ என்றான்.

அதைக் கேட்ட காமராஜர் சாப்பாடு போட்டால் படிக்க வைக்கலாம் என நினைத்து அதிகாரிகளை அழைத்து, ‘அந்த திட்டத்தை ஏன் செயல்படுத்தக் கூடாது’? என்று கேட்டார்.

அதற்கு சுந்தரவடிவேலு என்ற அந்த அதிகாரியும் செயல்படுத்தலாம் என்று கூறி அதற்கான திட்டத்தை தயாரித்து காமராஜரிடம் கொடுத்தார்.

அதுதான் ஏழை மாணவர்களுக்கான மதிய உணவு திட்டம். பசிபோக்கினால் படிப்பு வரும் என்று அந்த திட்டத்தை கொண்டு வந்து, அதன் பிறகு முதல்வராக வந்த எம்ஜிஆர் அதை சத்துணவு திட்டமாக மாற்றினார்.

அவரது மறைவுக்கு பிறகு அண்ணாவால் உருவாக்கப்பட்ட ஆட்சி வந்ததும், சத்துணவு திட்டத்தை அதிக சத்துணவுள்ளதாக மாற்ற ஒரு முட்டை வழங்கப்பட்டது.

ஒரு முட்டைகூட கிடைக்காத ஏழை பிள்ளைகள் பசிக்கு மட்டுமல்ல, சத்தோடு அறிவுக்கு தேவையான உணவும் வழங்கப்பட்டது. இப்போது வாரத்துக்கு ஒவ்வொரு நாளும் ஒரு முட்டை போடுவது என்று மாற்றப்பட்டுள்ளது.

கிராம மக்கள் மட்டுமின்றி பட்டினத்து ஏழை மாணவர்களும் பசியாறி அறிவாற்றலோடு படிக்க தொடர்ந்து செய்வோம், தொடருவோம், தொடர்ந்து செய்வோம். இதை புரிந்து கொள்ள வேண்டியவர்கள் புரிந்து கொண்டால் சரி.

தமிழில் படிப்பவர்களுக்கு முன்னுரிமை அளிக்கும் மசோதா கடந்த சட்டமன்றத் தொடரில் கொண்டு வரப்பட்டு, இப்போது நடைமுறைக்கு வந்துள்ளது என்பதை மகிழ்ச்சியுடன் தெரிவித்துக்கொள்கிறேன்.

100 பேரில் 20 பேர் தமிழில் படித்திருந்தால் அவர்களுக்கு வேலைக்கு உத்தரவாதம் உண்டு என்று கொண்டு வந்துள்ளோம்.

கிராமங்களை இணைக்கிற அளவுக்கு இன்றைக்கு பல்கலைக்கழகங்கள் உருவாகி இருப்பதை எண்ணிப்பார்க்கவே மகிழ்ச்சி அளிக்கிறது. அதுவும் இந்த ஆட்சியிலே ஏற்பட்டது என்பது பெருமை.

கல்விக்காக ஆண்டுதோறும் தமிழகத்தில் ஒதுக்கும் நிதியை மாணவர்கள் ஒழுங்காக பயன்படுத்திக் கொள்ள வேண்டும். ஆன்றோர், சான்றோர், பெரியவர்கள், பெற்றோர் வழங்கிய கல்விச் செல்வத்தை மாணவர்கள் பாழாக்கிவிடக்கூடாது, பயன்படுத்திக் கொள்ள வேண்டும்.

அதனால்தான் திருவள்ளுவர் கல்வியை எப்படி பயன்படுத்த வேண்டும் என்று கூறி உள்ளார். ‘கற்க கசடற கற்பவை கற்றபின் நிற்க அதற்கு தக’ என்றார். படியுங்கள், படித்ததை நினைவில் கொள்ளுங்கள், படித்தபடி நடக்க வேண்டும் என்பது பொருள். படித்தவர் நமது மொழியை, தமிழை வளர்க்க, தன் நிலையை உயர்த்த, சமுதாயத்தை உயர்த்த எந்த போராட்டத்திலும் இறங்கலாம்.

நல்லவைகளுக்காக உறுதியாக இருப்போம். நல்லவற்றை செய்வோம். இதை மாணவ செல்வங்கள் மனதில் அழுத்தமாக பதியச்செய்ய வைத்து அதன்படி நடக்க வேண்டும்.

இவ்வாறு அவர் பேசினார்.

இலங்கை தமிழர் புனரமைப்பு பணிகள் இந்தியாவுக்கு திருப்தி அளிக்கிறதா? - கனிமொழி கேள்வி

இலங்கையில் தமிழர் புனரமைப்பு பணிகள் இந்திய அரசுக்கு திருப்தி அளிக்கிறதா என, கனிமொழி எம்.பி., கேள்வி எழுப்பினார்.

இலங்கையில், உள்நாட்டில் இடம்பெயர்ந்த தமிழ் மக்களுக்கு வீடு கட்ட மத்திய அரசு வழங்கியுள்ளள பணத்தை இலங்கை அரசு சரிவர பயன்படுத்த வருகிறதா? அந்தப் பணிகள், இந்திய அரசுக்கு திருப்தி அளிக்கிறதா? இலங்கை தமிழர்களுக்கு சம அதிகாரம் வழங்க வகை செய்யும் 13வது திருத்தத்தை அமல்படுத்த இலங்கை அரசு தயாராக உள்ளதா என்று கனிமொழி எம்.பி. கேள்வி எழுப்பியிருந்தார்.

இந்த கேள்விகளுக்கு வெளியுறவுத்துறை இணையமைச்சர் பிரனீத் கவுர் அளித்துள்ள பதிலில்,

இலங்கையில் இடம் பெயர்ந்த இலங்கை தமிழர்களுக்கு வீடு கட்டிக் கொடுக்க இந்திய அரசு முன்வந்துள்ளது. இந்த ஆண்டு இறுதிக்குள், முகாம்களில் உள்ள அனைத்து தமிழர்களும் மறுகுடியேற்றம் செய்யப்பட்டு விடுவர் என்று இலங்கை அதிபர் ராஜபக்சே உறுதி அளித்துள்ளார்.

தமிழர் அமைப்புகள் மற்றும் பிரரையும் இணைத்து, அதிகார பரவல் குறித்து இலங்கை அரசு பேச்சு நடத்த வேண்டும் என்று இந்தியா தரப்பில் வலியுறுத்தப்பட்டது. கடந்த ஜூன் மாதம் இந்தியா வந்த இலங்கை அதிபர், அனைத்து சமுதாயத்தினரும் ஏற்றுக்கொள்ளும் அரசியல் தீர்வு காண முயற்சி எடுப்பதாக கூறினார் என்று இணையமைச்சர் பிரனீத் கவுர் தெரிவித்துள்ளார்.

வேறுபாடுகளை மறந்து ஒற்றுமையாக செயல்பட்டால் தி.மு.க.வை யாராலும் வீழ்த்த முடியாது - முதல்வர் கருணாநிதி

தூத்துக்குடி மாவட்ட தி.மு.க. நிர்வாகிகள் கலந்துரையாடல் கூட்டம், அண்ணா அறிவாலயத்தில் நேற்று (26.11.2010) நடந்தது. கூட்டத்தில் முதல்வர் கருணாநிதி பேசியதாவது:

"தூத்துக்குடி என்பது தி.மு.க. கோட்டைகளில் ஒன்று. து£த்துக்குடியில் எனக்கு ஒரு தனி கவனம் இருப்பதற்கு முக்கிய காரணமே, தி.மு.கவை 1949ம் ஆண்டு சென்னை ராபின்சன் பூங்காவிலே அண்ணா தொடங்கியபோது, அதையொட்டி தமிழகத்தின் முக்கிய நகரங்களுக்கு சென்று தி.மு.க.வின் இரு வண்ணக் கொடியை ஏற்றி வைப்பதென்றும் தி.மு.க. தொடங்கியதற்கான காரணத்தை ஆங்காங்கு விளக்க வேண்டுமென்றும் அறிவித்து, முதன் முதலாக என்னால் கொடி யேற்றப்பட்ட இடம், தமிழகத்திலே தூத்துக்குடி.

அதனால் தான் அப்படி ஏற்றி வைக்கப்பட்ட அந்தக் கொடி ஒரு அங்குலம் தாழ்ந்தால் கூட என்னால் அந்த வேதனையை தாங்கிக் கொள்ள முடியாது. எனவே தான் தூத்துக்குடியைப் பற்றி நான் சிறப்பான கவனம் செலுத்தி வருகிறேன். அங்கே ஏற்படுகிற மனமாச்சரியங்கள், புகைச்சல்கள், பூசல்கள் இவைகளுக்கு இடம் தராமல், கட்சியை அங்கே எப்படி அமைதியாக, விறுவிறுப்பாக, சுறுசுறுப்பாக நடத்திச் செல்வது என்பதைப் பற்றி சிந்தித்துச் செயல்படுத்த நடைபெறுகிற இந்தக் கூட்டம் மிக முக்கியத்துவம் பெறுகிறது. இங்கே நிறைவாக நான் பேசப் போவதாக ஸ்டாலின் கூறினார். என் பேச்சு எப்போது நிறைவானதாக இருக்க முடியும் என்றால், இங்கு எடுக்கிற நடவடிக்கைகள் ஏதோ காற்றிலே எழுதப்பட்ட கடிதங்களைப் போல, நீரின் மீது எழுதப்பட்ட எழுத்துக்களைப் போல ஆகி விடாமல், அவைகள் எல்லாம் வரவிருக்கிற சட்டப் பேரவைத் தேர்தலில், நாடாளுமன்றத் தேர்தலில் எதிரொலித்தால் தான் மன நிறைவு ஏற்பட முடியும்.

நான் பல மாவட்ட நிர்வாகிகள் கூட்டங்களில் பேசியதைப் போல, தி.மு.க. தேர்தலுக்காக தொடங்கப்பட்ட இயக்கம் அல்ல. இந்த இயக்கம் திராவிட இன மேன்மைக்காக, திராவிடர்களின் சுயமரியாதை உணர்வைப் பாதுகாப்பதற்காக, திராவிட இயக்கத்தின் தன்மானக் கொள்கைகளை பரவச் செய்வதற்காக உருவாக்கப்பட்ட இயக்கம். அதனால் தான் அரசியல் பக்கம் அடியெடுத்து வைக்காமல் சமுதாய அளவில் நம்மிடம் கட்டுப்பாடு இருந்தால் போதும் என்று பெரியார் செயல்பட்டார். அதையேற்றுக் கொண்டு அண்ணாவை பின்பற்றி நாங்களும் சமுதாயம் வளர்ச்சி பெற இந்தக் கருத்துக்களையெல்லாம் மைதானங்களிலே பேசினால் மட்டும் போதாது, சட்டமன்றங் களில், நாடாளுமன்றங்களில் பேசினால்தான் பயன் என்ற வகையில், தேர்தலில் ஈடுபடத் தொடங்கினோம்.

ஆட்சியைப் பிடிக்கிறோமோ, இல்லையோ, சமுதாயப் பணிகளை நிறைவேற்ற ஆட்சியில் இருந்து தான் தீர வேண்டுமென்ற நிலை. இதை ஏன் சொல்கிறேன் என்றால், 1957ல் முதன்முதலாக நான் குளித்தலை தொகுதியிலே நின்று சட்டப் பேரவை உறுப்பினராகத் தேர்ந்தெடுக்கப்பட்ட பின் அவையிலே தரப்பட்ட ஒரு கொள்கை குறிப்பில் பிற்படுத்தப்பட்ட, மிகவும் பிற்படுத்தப்பட்ட வகுப்பினரின் பட்டியல் ஒன்று வைக்கப்பட் டிருந்தது. அந்தப் பட்டியலில் மிகவும் பிற்படுத்தப்பட்டவர்கள் பட்டியலில் இசை வேளாளர் என்று குறிப்பிடப்பட்டிருந்தது.

நான் பேசும்போது அப்போது அவையிலே காமராஜர், கக்கன் உட்பட அனைவரும் இருந்தார்கள். அரசின் இந்தக் குறிப்பிலே இசை வேளாளர் என்று ‘ர்’ விகுதி போடப்பட்டுள்ளது. ஆனால் மிகப் பெரிய சமுதாயங்களில் ஒன்றான நாடார் மற்றும் சாணார் சமுதாயம் பற்றி சாணான் என்று ‘ன்’ விகுதி போட்டு, அச்சடிக்கப்பட்டுள்ளதே, இது என்ன நியாயம் என்று கேட்டேன்.

முதலமைச்சர் காமராஜர், அமைச்சர் கக்கனை திரும்பிப் பார்த்து கேட்டார். உடனே கக்கன் எழுந்து, அது தவறு தான், அந்தத் தவறுக்காக வருந்துகிறேன், அந்தத் தவறு நாளைக்கே சரி செய்யப்படும் என்று சொன்னார். நான் அமர்ந்திருந்த காரணத்தால்தான் அன்றைக்கு சாணான் என்ற பெயர் அந்தப் பட்டியலிலே நாடார் அல்லது சாணார் என்று மாற்றக் கூடிய சூழ்நிலை ஏற்பட்டது.

சுயமரியாதை இயக்கம், திராவிடர் இயக்கம், தி.மு.க. என்கிற பெயரால் வளர்ந்த இந்த இயக்கத்திற்கு தேர்தல் வெற்றி மாத்திரம் முக்கியம் அல்ல, தமிழ் இனத்தினுடைய இன உணர்வை வலுப்படுத்துவது தான் நம்முடைய நோக்கமாக இருக்க வேண்டும். மக்களுக்காகப் பணியாற்றுவதும், திராவிடக் கொள்கைகளை வளர்ப்பதும், ஆட்சி மூலம் வளர்ச்சிப் பணிகளை மேற்கொள்வதும் தான் முக்கியம்.

ஆட்சியின் மூலம் தான், தமிழ்நாட்டின் வலிமையை பெருக்குகிற வகையில், செம்மொழி என்கிற சிறப்பு எல்லா விதத்திலும், எல்லா வேலைகளிலும் தமிழன், தமிழ் மொழி ஏதுவாக இருக்கிற ஒரு இயக்கம், அவர்களை எல்லாம் இணைத்திருக்கிறது தி.மு.க. என்பதை மறந்து விடக் கூடாது. அப்படிப்பட்ட கட்சியில் உள்ள நாம் இந்த இயக்கத்தை வளர்ப்பதற்கு ஒவ்வொருவரிடையே உள்ள கருத்து வேறுபாடுகளை மறந்து அவற்றையெல்லாம் ஒதுக்கி வைத்து விட்டு. திமுக ஒன்றே என்ற குறிக்கோளோடு நாம் பணியாற்றினால், ஒற்றுமையாக இருந்தால், ஒன்றுபட்டிருந்தால் நம்மை யாரும் அசைக்க முடியாது, வீழ்த்த முடியாது என்பதை நாம் நிரூபிக்க முடியும். நாங்கள், உங்களை அண்ணா அறிவாலயத்திற்கு அழைத்து மாவட்ட ரீதியாக கலந்து பேசிக் கொண்டிருக்கிறோம். து£த்துக்குடியில் நான் எதிர்பார்த்ததைப்போல சிறுசிறு சண்டைகள், குழுக்கள் இரண்டு மூன்று என்று இருந்தாலும், அவர்களுக்குள் தேவையற்ற பிரச்னைகள் இருப்பதைக் கண்டு மகிழ்ச்சி அடைபவர்கள் யாரும் இருக்க முடியாது.

மாவட்ட செயலாளர் பெரியசாமி பற்றி உங்களுக்குத் தெரியும். அவரைப் பற்றி அவருக்கும் தெரியும். அவர் கொள்கைப் பிடிப்பு உள்ளவர். கொள்கைகளை விலை கூறாதவர். அப்படிப்பட்டவர் தூத்துக்குடி பெரியசாமி என்பதை நான் நன்கறிவேன். அதே நேரத்தில் அவருக்குத் துணையாக, அனிதா ராதாகிருஷ்ணன் போன்றவர்கள் இந்த இயக்கத்திற்கு வந்திருக்கிறார்கள் என்றால், அது நாம் தேடிப் பெற்ற வெற்றி. பெரியசாமி நீண்ட காலமாக இந்த இயக்கத்தில் தொடர்ந்து இருப்பவராக இருக்கலாம். இடையில் வேறு சிலர் வந்து இணையலாம். ஓடிக் கொண்டிருக்கிற ஆற்று வெள்ளத்தில், கிளை நதிகளின் தண்ணீரும் வந்து சேரும் போது இரண்டும் கலந்து ஒரே தண்ணீராக ஆவது போல பெரியசாமியும் அனிதாவும் சேர்ந்து ஜீவநதியாக இந்த இயக்கத்தைக் காப்பாற்ற வேண்டும்.

அதைப் போலவே நாடாளுமன்றத்தில் வெற்றி பெற்றிருக்கின்ற ஜெயதுரையும் அவரை வெற்றி பெறச் செய்ய மாவட்டச் செயலாளர்களும், தோழர்களும் எந்த அளவிற்குப் பாடுபட்டார்கள் என்பதை மனதிலே கொள்ள வேண்டும். தூத்துக்குடி பகுதி தென்பாண்டி கடல் முத்தே தீர்ந்ததோ உந்தன் வாழ்வு என்று என்னால் எழுதப்பட்ட கே.வி.கே.சாமி உலவிய இடம். அப்படிப்பட்ட தூத்துக்குடி மாவட்டத்தில் இதுபோன்ற சிறு சிறு குறைபாடுகள் இருப்பதைக் கூட என்னால் தாங்கிக் கொள்ள முடியாது. உங்களுடைய ஒற்றுமையை உறுதி செய்கிற வகையில், வெளிப்படுத்துகின்ற வகையில் நீங்கள் அனைவரும் உங்கள் கரங்களை உயர்த்திக் காட்ட வேண்டும். உயர்த்திய கரங்களை இங்கே காட்டியதோடு மட்டுமல்லாமல், அதை மனதிலே நிறுத்தி வெளியிலும் அந்தக் கரங்களை இணைத்துப் பிடித்து ஒற்றுமையோடு கட்சியை வளர்க்க வேண்டும்" என்றார். இக்கூட்டத்தில் பொதுச்செயலாளர் க.அன்பழகன், பொருளாளர் மு.க.ஸ்டாலின், முதன்மைச்செயலாளர் ஆற்காடு வீராச்சாமி,துணைப்பொதுச்செயலாளர் துரைமுருகன், தூத்துக்குடி மாவட்ட-ஒன்றிய-நகர-பகுதிக்கழக நிர்வாகிகள்ஆகியோர் கலந்துகொண்டனர்.

2-ஜி அலைக்கற்றை ஒதுக்கீட்டில் ஊழல்! ஓர் அபாரமான கற்பனையே! - விடுதலை நாளிதழ்

நாவில் பிழை இருந்தால் ஒழிய தேன் கசக்காது! வேம்பு இனிக்காது!

பிறவியில் மாற்றம் இருந்தாலொழிய புலி புல்லைத் தின்னாது!

அதுபோலத்தான் பார்ப்பனர்களின் தன்மையும்!

என்பது திராவிட இயக்க அறிஞர், செம்மல், தந்தை பெரியாரின் கூற்று.

ஏமாற்றி மற்றவரை ஏட்டால் அதை மறைத்து

தாம் மட்டும் வாழச் சதை நாணா ஆரியம்

என்பது புரட்சிக்கவிஞர் பாரதிதாசன் அவர்களின் கவிதைப் படைப்பு!

பார்ப்பனர்களின் தன்மை குறித்து மேலே கூறப்பட்டுள்ள கணிப்புகள், எக் காலமும் பொருந்தும் பண்புவரிகளைப் போல இன்றைய காலகட்டத்தின் நிகழ்வுகளுக்கும், நிலைப்பாடுகளுக்கும் பொருத்தமாகவே இருக்கின்றன.

இப்பொழுதெல்லாம் பார்ப்பனர்கள் முன்புபோல இல்லை. நிறைய மாறி விட்டார்கள் என்று பேசும் பார்ப்பனர் அல்லாதவர்களின் தலையில் ஓங்கி குட்டு வைத்தது போன்ற ஒரு நிகழ்வுதான் - பொய்யாகப் புனையப்பட்ட 2-ஜி அலைக் கற்றை ஊழல் குற்றச்சாற்று!

சமூகநீதி, பகுத்தறிவு, பெண்ணுரிமை, ஜாதி ஒழிப்பு என்னும் மனிதநேயக் கொள்கைகளை உயர்த்திப்பிடித்துக் குரல் கொடுப்பவர்கள் யாராக இருந்தாலும், அவர்களின் குரல் வளையைப் பிடித்து நெரிக்கும் கொடிய வன்முறையின் மறு பெயர்தான் பார்ப்பனியம்!

இன்றைய காலகட்டத்தில் சமூக நீதியின் முகவரிகளாக இருக்கின்ற தமிழக முதல்வர் அவர்களும், தமிழர் தலைவர் அவர்களுமே இதுபோன்ற வன்முறைகளைச் சந்தித்தவர்கள்தான்!

பார்ப்பனச் சவுண்டிகளால், பாடை யிலே கட்டி தூக்கி எடுத்துச் செல்லப்பட் டது, தமிழர் தலைவரின் உருவ பொம்மை. வடநாட்டில் நடைபெற்ற மண்டல் எதிர்ப்புப் போராட்டத்திலே எரிக்கப்பட்டது கலை ஞரின் உருவ பொம்மை!

இராமாயணம் தொடங்கி இராசாவரை

இதற்கு முந்தைய காலகட்டத்தில் வேதகால அசுரர்கள் தொடங்கி, இராவ ணன், இரணியன், ஏகலைவன், வாலி, அதன்பின் நந்தனார், சித்தர்கள், அறி வின் மறுஉருவான புத்தர், வள்ளல் ராம லிங்க அடிகளார், அறிவாசான் தந்தை பெரியார், பேரறிவாளர் அண்ணல் அம் பேத்கர், மண்டலுக்காக மகுடத்தைத் துறந்த சமூகநீதிக் காவலர் வி.பி. சிங் என இன்றுவரை நீண்டு கொண்டிருக்கும் இந்த வன்முறை வரலாற்றின் இன்றைய இலக்கு (target) முன்னாள் மத்திய அமைச்சர் ஆ.இராசா அவர்கள்!

இந்திய அரசியல் எத்தனை எத்த னையோ ஊழல் வரலாறுகளை கண்டிருக் கிறது. அதிக அளவில் பணம் கைமாற் றப்பட்ட சர்வதேச ஊழல் குற்றச்சாற்றுகள், முகாந்திரம் (Prima facie) உள்ளது என கண்டறியப்பட்டு, சுமத்தப்பட்ட ஊழல் குற்றச்சாற்றுகள், String Operation எனச் சொல்லப்படும் பொறி வைத்து குறி பார்க் கப்பட்டு அதிரடியாக கையும் களவுமாக தெகல்கா வீடியோ மூலம் பிடிக்கப்பட்ட ஊழல் குற்றச்சாற்றுகள், நாடாளுமன்ற உறுப்பினர்களை விலைக்கு வாங்கும் குதிரைபேர ஊழல் குற்றச்சாற்றுகள், கேள்வி கேட்பதற்குக்கூட பணம் கேட்ட நாடாளுமன்ற உறுப்பினர்கள்மீதான ஊழல் குற்றச்சாற்றுகள்.

அரசியல் ரீதியாக வேண்டுமென்றே முன்னாள் பிரதமர் சமூகநீதிக் காவலர் வி.பி. சிங் அவர்கள்மீது சுமத்தப்பட்ட செயின்ட்கிட்ஸ் ஊழல் குற்றச்சாற்று, தொலைத்தொடர்புத் துறை கருவிகள் உபகரணங்கள் வாங்கியதில் நடைபெற்ற முன்னாள் மத்திய அமைச்சர் சுக்ராம் மீதான ஊழல் வழக்குகள்.

சி.பி.அய். என்னும் மத்திய புலனாய் வுத் துறையால் கண்டுபிடிக்கப்பட்ட ஊழல் குற்றச்சாற்றுகள், CVAC எனப் படும் (Central Vigilance and Anti corruption) என்னும் மத்திய லஞ்ச ஒழிப்புத் துறை பொறி(Trap) ச் வைத்து பிடித்த ஊழல் குற்றச்சாற்றுகள்.

முதலமைச்சர் ஜெயலலிதா அவர் களின்மீது இருக்கும், ஊழல் குற்றச் சாற்று பட்டியல்கள், மருத்துவக் கல்லூரி அனுமதிக்கு கையூட்டுப் பெற்று, கத்தை கத்தையாக பணம் கைப்பற்றப்பட்ட கேதன் தேசாய் மீதான ஊழல் குற்றச் சாற்றுங்கள் என ஒரு மிகப்பெரிய பட்டி யலே உண்டு.

தலித் விரோத வலைப்பின்னல்

ஆனால், மேலே உள்ள இந்தப் பட் டியலின் எதற்குள்ளும் அடங்காத, விசித் திரமான, பொய்யான வேண்டுமென்றே புனையப்பட்ட ஒரு ஊழல் குற்றச்சாற்று தான் 2-ஜி அலைக்கற்றை ஒதுக்கீடு குற்றச்சாற்று, ஏதோ அமைச்சர் ஆ.இராசா அவர்கள் 1.76 லட்சம் கோடி ரூபாய்களையும் தன் வீடு முழுவதும் ரகசியமாக நிரப்பி வைக்கும்பொழுதோ, அல்லது வெளிநாட்டு சுவிஸ் வங்கியில் போடும்போதோ பிடிபட்டதுபோன்ற ஒரு தோற்றத்தை அம்மையார் ஜெயலலிதா தலைமையில் இயங்கும் தலித் விரோத வலைப்பின்னல்(Anti Dalit Network) உருவாக்கி, இதற்காக நாடாளுமன்றத் தின் அன்றாட அலுவல்கள் முடக்கப் பட்டு, கோடிக்கணக்கில் மக்கள் வரிப் பணம் பாழடிக்கப்பட்டுக் கொண்டிருக் கிறது.

இந்தப் பிரச்சினையில் காங்கிரசின் மென்மையான அணுகுமுறைதான் பிரச் சினையை எதிர்க்கட்சிகள் பெரிதுபடுத் துவதற்குக் காரணமாக அமைந்துவிட் டது என்பதை மறுப்பதற்கில்லை! இந்த அடிப்படையில்தான் திராவிடர் கழகத் தலைவர் மானமிகு அய்யா கி. வீரமணி அவர்கள் அண்மையில் கலைஞர் தொலைக்காட்சிக்கு அளித்த பேட்டி யில், விரட்ட விரட்ட ஓடுபவர்களைக் கண்டால், விரட்டுபவர் விரட்டிக் கொண்டே தான் இருப்பார்கள். கொஞ்சம் நின்று திரும்பியாவது பார்க்கவேண்டும் என்று சொன்னார்கள்.

பார்ப்பனிய முன்வரலாறு:

இந்த நேரத்தில் சில முன் வரலாறு களையும் தாம் நினைவுக்குக் கொண்டு வர வேண்டும். மிகப்பெரிய முற்போக்கு சிந்தனையாளர் என்று போற்றப்பட்ட ஜவகர்லால் நேரு அவர்களேகூட, இந்து சனாதனவாதிகளிடம் சரணடைந்து அண்ணல் அம்பேத்கர் அவர்கள் கொண்டு வந்த இந்து மசோதா திருத்த பில் தீர்மானத்தை ஏற்க மறுத்து, தீர்மானம் தோல்வி அடைந்த நிலையில், சமூகநீதியை நிலை நாட்ட முடியாத இந்த சட்ட அமைச்சர் பதவி எனக்குத் தேவையில்லை என முடிவெடுத்து அண் ணல் அம்பேத்கர் அவர்கள் தன்னுடைய அமைச்சர் பதவியை ராஜினாமா செய்தார். 1925 இல் காஞ்சிபுரத்தில் நடைபெற்ற காங்கிரஸ் மாநாட்டில் வகுப்புவாரி தீர்மானத்தை நிறை வேற்றியே தீரவேண்டும் என்ற ஒற்றைக் காரணத்துக்காக, எந்த தந்தை பெரி யாரால் திரு.வி.க. அவர்கள் மாநாட்டுத் தலைவராக தேர்ந்தெடுக்கப்பட்டாரோ, அதே தந்தை பெரியார் கொண்டு வந்த வகுப்புரிமைத் தீர்மானத்தை, காங்கிரஸ் பார்ப்பனர்களின் சூழ்ச்சிக்கு ஆளாகி திரு.வி.க. அவர்களே தோற்கடித்த வரலாறும் உண்டு! பொய்யாகப் புனையப்பட்ட இந்த ஸ்பெக்ட்ரம் ஊழல் குற்றச்சாற்றில், பொதுமக்கள் மத்தியில் கோடிக்கணக் கான ஊழல், கோடிக்கணக்கான ஊழல் என்று தொடர்ந்து கோயபல்ஸ் பாணி யில் பத்திரிகைகளும், ஊடகங்களும், பிரச்சாரத்தை தொடர்ந்து கொண்டே இருக்கிறார்கள்.

1-ஜி, 2-ஜி, 3-ஜி என்றால் என்ன?

மக்களில் Common Mass என்று கருதப்படும் சாமான்ய மக்களுக்கு 1-ஜி, 2-ஜி, 3-ஜி அலைக்கற்றை, தொழில் நுட்பம் குறித்து அடிப்படைத் தகவல் கள்பற்றிய புரிதல் இல்லாமல் இருப்பதும் இந்தப் பொய்ப் பிரச்சாரத்துக்கு மிகவும் வாய்ப்பாக போய்விட்டது. தொழில்நுட்ப ரீதியான அந்தத் தகவல்களையும் பொதுமக்கள் கட்டாயம் தெரிந்து கொள்ளவேண்டும்.

1-ஜி என்பதுFirst Generation என்று சொல்லப்படும் முதல் தலைமுறை தொழில்நுட்பம். மிகக் குறைந்த அளவே அலைக்கற்றை வேகம் இருந்ததால், ஒரு சில குறிப்பிட்ட இடங்களில் மட்டுமே செல்போன் சேவை இருந்தது.

இந்தச் சேவையை தனியார் நிறு வனங்களான மோட்டரோலா, ஆர்.பி.ஜி., பி.பி.எல்., போன்ற நிறு வனங்கள் மட்டுமே வழங்கி வந்தன. அப்பொழுது பி.எஸ்.என்.எல். என்னும் பொதுத் துறை உருவாகவில்லை. அப் பொழுது இருந்த அரசுத் துறையான தொலைத்தொடர்புத் துறை (DOT) இந்த செல் சேவையில் இறங்கவில்லை. ஒருவருக்கொருவர் பேசும் (வாய்ஸ் மெயில்) வசதி, பேஜர் சேவை வசதி (பேஜர் சர்வீஸ்) மட்டுமே 1-ஜி தொழில் நுட்பத்தில் வழங்க முடிந்தது. அப் பொழுது செல்போனின் வெளி அழைப்பு கட்டணம் ரூ.16 ஆக இருந்தது.

1-ஜி-க்கு பிறகு வந்த தொழில்நுட்பம் தான் 2-ஜி.

2-ஜி என்பது Second Generation என்று சொல்லப்படும், இரண்டாம் தலைமுறை தொழில்நுட்பம்.

2-ஜியின் அலைக்கற்றை வரிசை 900MHZ மற்றும 1800 MHZ

(1 மெகா ஹெர்ட்ஸ் என்பது 1000 கிலோ ஹெர்ட்ஸ், 1 கிலோ ஹெர்ட்ஸ் என்பது 1000 ஹெர்ட்ஸ்)

அதிக வேகம் உடையதால் நாட்டின் எல்லாப் பகுதிகளிலும் இந்தச் சேவை கிடைக்க ஆரம்பித்தது. முதலில் தனியார் நிறுவனங்கள் மட்டும்தான் இந்தச் சேவையை வழங்கிக் கொண்டிருந்தன. பி.எஸ்.என்.எல். பொதுத்துறை 2002 ஆம் ஆண்டிலிருந்து செல்போன் சேவையில் நுழைந்தது. இந்த 2-ஜி அலைக்கற்றை தொழில் நுட்பத்தில் வாய்ஸ் கால் எனப்படும் பேசும் வசதி, எஸ்.எம்.எஸ். எனப்படும் குறுஞ்செய்தி சேவை, இண்டர் நெட் ப்ரவுசிங் எனப்படும் இணையத் தேடல் சேவை, புளூ டூத் (படங்களைப் பரிமாறிக் கொள்ளுதல்), எம்.எம்.எஸ். போன்ற மதிப்புக் கூட்டு சேவைகள் இந்த 2-ஜி தொழில் நுட்பத்தில் கிடைத்தன.

ஆரம்ப காலத்தில் இதில் அழைப்புக் கட்டணங்கள் அவுட்கோயிங் ரூ.1.80 ஆகவும், இன்கமிங் 0.90 பைசா ஆகவும், எஸ்.எம்.எஸ். கட்டணம் 0.80 பைசா ஆகவும் இருந்தன. தனியார் நிறுவனங் களான ஏர்செல், ஏர்டெல், ரிலையன்ஸ், டாடா இண்டிகாம், டொக்கோமோ, எம்.டி.எஸ். அய்டியா, யுனிநார், வீடியோ கான் உள்ளிட்ட நிறுவனங்களும் இந்த சேவையை வழங்கிக் கொண்டிருக் கின்றன.

2-ஜிக்குப் பின்னர் வந்த சேவைதான் 3-ஜி.

3-ஜி என்பது Third Generation எனப்படும் மூன்றாம் தலைமுறை தொழில் நுட்பம். இதனுடைய அலைக்கற்றை வேகம் 10,782 MHZ

2-ஜியைப் போல 10 மடங்கு அலைக்கற்றை வேகமுடையதுதான் 3-ஜி. அதிக வேகம் உடையதால் ஏராளமான நவீன சேவைகள் கிடைத்தன.தந்தை பெரியார் அவர்கள் இனிவரும் உலகம் என்ற தலைப்பில் கூறிய கருத்துகளில் ஒன்றான ஒருவருக்கொருவர் முகம் பார்த்துப் பேசும் வசதி எதிர்காலத்தில் கண்டுபிடிக்கப்படும் என்று கூறியது உண்மை ஆனது, இந்த 3-ஜி தொழில் நுட்பத்தால்தான்.

இந்த 3-ஜி தொழில்நுட்பத்தில் வீடியோ கால் எனப்படும் முகம் பார்த்துப் பேசும் வசதி, மொபைல் டி.வி. எனப்படும் மொபைல் தொலைக்காட்சி சேவை, VOD, GOD போன்ற சேவைகள், அதிவேக இன்டர்நெட் ப்ரவுசிங், 7.2 MbpS (Mega Bits per Second) டேட்டா வேகமுடைய 3-ஜி டேட்டா கார்டுகள், போன்ற பல சேவைகள் இந்த 3-ஜி தொழில்நுட்பத்தில் வழங்கப்படுகின்றன. இந்த 3-ஜி சேவையை 3-ஜியின் நுட்பம் கட்ட மைக்கப்பட்ட இரண்டு கேமராக்கள் உடைய செல்போன் செட்களில்தான்(3G Enabled Set) பெற முடியும்.

தொலைத்தொடர்புத் துறையில் மிகப்பெரிய புரட்சியாக அமைச்சர் ஆ.இராசா அவர்கள் முயற்சியால் இந்த 3-ஜி தொழில்நுட்பம் முதன்முதலாக பொதுமக்கள் துறையாம்; பொதுத் துறையான பி.எஸ்.என்.எல்.-க்கு மட்டுமே ஒதுக்கப்பட்டது. இப்பொழுதுதான் தனியார் நிறுவனங்கள் ஏலத்தில் எடுத் துள்ளன. இதுதான் 1-ஜி, 2-ஜி, 3-ஜி.யின் தொழில்நுட்ப வரலாறு!

அய்வருக்கும் தேவி அழியாத பத்தினிக் கதைதான்

இந்த ஸ்பெக்ட்ரம் ஒதுக்கீடு தொடர் பான பொய்யான ஊழல் குற்றச்சாற்று 2008 இல் தொடங்கி, கின்னஸ் சாதனை என்று சொல்லப்படும் அளவிற்கு திரும்பத் திரும்ப உயிர்ப்பிக்கப்பட்டு, ஊழல் தொகை ரூ.20,000 கோடியிலிருந்து ரூ.1.76 லட்சம் கோடிவரை கற்பனை யாகவே உயர்த்தப்பட்டு இன்னும் தொடர்ந்து கொண்டிருக்கிறது. அய் வருக்கும் தேவியாம்; அழியாத பத்தினி யாம் என்று பொய்யான தகவல் ஆயிரக் கணக்கான ஆண்டுகளாக சொல்லப்படு வதைப்போல பொய்யாகவே உருவாக் கப்பட்டு, பொய்யாகவே வளர்க்கப்பட்டு, அந்தப் பொய்யின் அடிப்படையில் கற் பனையாகப் போடப்பட்ட ஒரு கற்பனைக் கணக்கீடுதான் இந்த ரூ.1.76 லட்சம் கோடி என்பது.

நாம் சற்று பின்னோக்கிச் சென்றால் பி.ஜே.பி. மத்தியில் ஆண்டபொழுது அரசுத் துறை, பொதுத் துறை நிறுவனங் களை தனியாருக்கு விற்பதற்கென்றே Disinvestment Minister திரு. அருண் ஷோரி இருந்த வரலாறும் இங்கே நினைவு கூரத்தக்கது. அதே பி.ஜே.பி. ஆண்ட பொழுது தனியார் நிறுவனங்களின் வேண்டுகோளை ஏற்று தொலைத் தொடர்புத் துறையில் லைசென்ஸ் கட் டணம் ரூபாய் 85 ஆயிரம் கோடி தள் ளுபடி செய்யப்பட்டது என்பது தனியார் நிறுவனங்களுக்குச் சாதகமான ஒரு நிலைப்பாடு என்று பொருள் கொள் வதா? அப்பொழுது இதனை யாரும் இந்த அளவு எதிர்க்கவில்லை என்பது உண்மை.

இந்தப் பிரச்சினையில் அறிவார்ந்த வர்கள் மத்தியிலும், நடுநிலைச் சிந்த னையாளர்கள் மத்தியிலும் நிலவிவரும் கேள்விகளுக்கும், சந்தேகங்களுக்கும், பொய்க் குற்றம் சுமத்தும் அந்தத் தலித் விரோத சக்திகள் கண்டிப்பாகப் பதில் அளித்தே தீரவேண்டும் என்பது காலத் தின் கட்டாயம்.

கேட்கிறார்கள்... தலைவர்கள்

மத்திய அரசாங்கத்தின் கொள்கை யான தேசிய தொலைத்தொடர்புக் கொள்கை அடிப்படையில் 1999 ஆம் ஆண்டிலிருந்து பின்பற்றப்பட்டு வந்த அதே நடைமுறையில், அதாவது இதற்கு முன் இருந்த தொலைத்தொடர்புத் துறை அமைச்சர்கள் பிரமோத் மகாஜன், அருண்ஷோரி, தயாநிதி மாறன் ஆகி யோர் பின்பற்றிய அதே நடைமுறைதான், அலைக் கற்றை ஒதுக்கீட்டில் ஆ. இராசா அவர்கள் செய்திருக்கும்பொழுது, முன் தேதியிட்டு, பின் தேதியிட்டு, இப்படிச் செய்திருந்தால், அப்படிச் செய்திருந் தால் என ஆயிரத் தெட்டு குற்றச்சாற்று களை ஏன் இதற்கு முன் இருந்த அமைச்சர்கள்மீது சுமத்தவில்லை? அப்பொழுது இந்த அறிவாளிகளின் மூளைகள் எல்லாம், அவர்களது தலையைவிட்டு வெளியேறி எங்கே யாவது சுற்றுப்பிரயாணமா செய்து கொண்டி ருந்தன?

6.2 MHz -க்கு மேல் ஒதுக்கீடு செய்யும் பொழுது 3ஜி-க்கு இணையாக கட்டணம் நிர்ணயிக்கவேண்டும் என்ற வழிகாட்டுதல் 2010 ஆம் ஆண்டில்தான் TRAI (Telecom Regulatory Authority of India) ஆல் அறிவிக்கப்பட்டது.

2010 ஆம் ஆண்டு கணக்கீட்டை 2008-க்கும் பொருத்திப் பார்ப்பது ஒரு கற்பனைக் கணக்கீடு (Imaginary Calculation).

இதற்குமுன் இருந்த தொலைத் தொடர்பு அமைச்சர்களும் 6.2MHz -க்கு மேல் ஒதுக்கீடு செய்துள்ளார்கள். 6.2MHz -லிருந்து 10MHz -வரை மாண்பு மிகு அமைச்சர் பிரமோத் மகாஜன் அவர்களும், 21MHz வரை மாண்புமிகு அமைச்சர் அருண்ஷோரி அவர்களும், 38.8ஆழண வரை மாண்புமிகு அமைச்சர் தயாநிதிமாறன் அவர்களும் ஒதுக்கீடு செய்துள்ளபொழுது இவர்கள் மூவரும் இந்தக் கணக்கீட்டில் வராதது ஏன்? அமைச்சர் ஆ.இராசா அவர்களை மட்டும் குறி வைக்கப்படுவது ஏன்?

இன்றைக்கு இந்த அளவுக்கு பிளந்து கட்டும் திறமை வாய்ந்த மத்திய தணிக் கைத் துறை மூளைகள் 2000 ஆம் ஆண்டிலிருந்து 2010 ஆம் ஆண்டுவரை, தலையணை போட்டு மெத்தையில் உறங்கிக் கொண்டா இருந்தன? 2000 ஆம் ஆண்டில் அது சமர்ப்பித்த கடுமை யான ஆட்சேபங்களுக்கும், அறிக்கை களுக்கும் PAC என்று சொல்லப்படும் பொதுக் கணக்குத் துறை ஏன் எந்த ஒரு நடவடிக்கையும் எடுக்கவில்லை என்ற கேள்வி அவர்களுக்கு 10 வருடங்களாக வரவேயில்லையா? திடீரென்று இப் பொழுது மட்டும் சலங்கை கட்டி ஆட வேண்டிய அவசியம் என்ன? 10 வரு டங்களாக மெய், வாய் அனைத்தும் மூடி இருந்ததற்கு என்ன காரணம்?

ரகசியமானதோ, ரகசியம் இல்லா ததோ, ஓர் அறிக்கை நாடாளுமன்றத்தில் சமர்ப்பிக்கப்படுவதற்கு முன்பாகவே, வெளியில் பத்திரிகைகள், ஊடகங்கள் மற்றும் எதிர்க்கட்சியினருக்கு தெரிவிக் கப்பட்டதன் உள்நோக்கம் என்ன?

இதுதான் பத்திரிகை தர்மமா?

இந்திய வரலாற்றில் முன் எப் பொழுதும் இல்லாத அளவிற்கு, இந்தப் பொய்க் குற்றச்சாற்றில் பார்ப்பன பத் திரிகைகளும், தொலைக்காட்சி ஊடகங் களும் ஈடுபாடு காட்டுவது பத்திரிகை தர்மமா? இந்த அளவிற்குத் தரம் தாழ்ந்து தங்கள் தலித் விரோத மனப் பான்மையைக் காட்டும் பத்திரிகைகளும், ஊடகங்களும், தொலைக்காட்சிகளும் நடுநிலை என்ற வார்த்தையை உச் சரிக்க யோக்கியதை உள்ளவர்கள் தானா?

Mother of Scandals என்று அமைச்சர் ஆ. இராசாவை விமர்சிக்கிற யோக்கிய தையும், பொறுப்பும், தார்மீகமும் ஊழல் ராணி என மக்களால் புறக் கணிக்கப் பட்டு, தெருவில் தூக்கி வீசி எறியப்பட்டு, நீதிமன்றப் படிக்கட்டுகளை முத்தமிட்டுக் கொண்டிருக்கும் எதிர்க் கட்சி அம்மை யாருக்கு உண்டா? என்பது கிண்டலாகக் கேட்கப்படும் கேள்வி!

இந்தக் கேள்விகள் அனைத்தும், தமிழர் தலைவர், திராவிடர் கழகத் தலைவர் கி. வீரமணி அவர்களாலும், முத் தமிழ்க் காவலர் முதல்வர் டாக்டர் கலை ஞர் அவர்களாலும், அமைச்சர் ஆ.இராசா அவர்களாலும் தன்னிலை விளக்கமாக வும் தொடுக்கப்பட்ட கேள்விகள்! பொது மக்கள் மத்தியிலும் நிறைய கேள்விகள் பரவலாகக் கேட்கப்படுகின்றன.

யார் இந்த ஜெயலலிதா?

ஸ்பெக்ட்ரம் ஊழலை பகடைக் காயாகப் பயன்படுத்தி காங்கிரசுக்கு நான் ஆதரவு தருகிறேன் என்று சொல் லும் தார்மீக யோக்கியதை (Moral High Ground) அம்மையார் ஜெயலலிதா அவர் களுக்கு இருக்கிறதா? என்ற கேள்வி!

ஜானகி அம்மையாரை விமர்சித்த அதே பாணியில்,

ஆளுநர் சென்னாரெட்டியை விமர் சித்த அதே பாணியில்,

எம்.ஜி.ஆர். என் புகழைக் கண்டு பொறாமைப்படுகிறார், என்னை அடக்கி வைக்க நினைக்கிறார் என்று குற்றம் சுமத்திய அதே பாணியில்,

கிழடு தட்டிப்போனாது என்று பி.ஜே.பி.யை விமர்சித்த அதே பாணியில்,

கொஞ்சும்கூட நாக்கும், வாயும் கூசா மல் கணவனுக்குத் துரோகம் இழைத்த சோனியா காந்தி! பதிபக்தி இல்லாத சோனியா காந்தி! என்று குற்றம் சுமத் திய அதே வாயால் எப்படி காங்கிரசுக்கு நான் ஆதரவு தருகிறேன்! என்று சொல்லத் துணிந்தார்? என்பது மக்கள் மன்றத்தில் எழுந்துள்ள கேள்வி!

மூச்சுக்கு முந்நூறு முறை அன்னை! அன்னை! என்று அழைக்கும் தலைவியை கேவலமாக விமர்சித்த ஜெயலலிதா அம்மையார் எப்படி எங்கள் கட்சிக்கு ஆதரவு தருகிறேன் என்று சொல்லலாம்? என்று கோபமும், ஆத்திரமும் ஏன் யாருக்கும் பொங்க வில்லை?

அதேபோன்று அண்ணா திராவிட முன்னேற்றக் கழகத்தைச் சார்ந்த யதார்த்த நிலை சிந்தனையாளர்கள் மத்தியிலும் ஒரு கேள்வி பிறந்துள்ளது! ஆ.இராசாவை நீக்கினால் ஆதரவு என்று சொன்னால், ஆ.இராசாவை நீக்குவது ஒன்றுதான் அ.தி.மு.க.வின் அடிப்படைக் கொள்கையா? அல்லது அடிப்படை லட்சியமா? அதற்கு வேறு கொள்கைகளே இல்லையா?

இதுபோன்று ஏன்? எப்படி? என்று கேட்கப்பட்டுள்ள அத்துணை கேள்வி களுக்கும் ஒரே, ஒரு விடைதான்.

ஆ.இராசா... ஆதிதிராவிட இராசா என்பதுதான்!

இந்தப் பிரச்சினையில் கைகொட்டிச் சிரித்த கருங்காலிகளும் உண்டு! கைகட்டி வேடிக்கை பார்த்த கோழை களும் உண்டு! இந்தப் பிரச்சினையின் உள்ளடக்கமும், உண்மையும் தெரிந் திருந்துமே, வெளியில் சொல்லாமல், மாட்டியிருப்பது ஒரு தலித் சமூகத்துக் காரன்தானே! என்று மெத்தனமாக இருந்த மெத்தப் படித்த மேதாவிகள், அறிவு ஜீவிகள், பொருளாதார மேதை கள் என்று தங்களை சொல்லிக் கொண் டவர்களும் உண்டு!

ஒரு மிகப்பெரிய ஊதிய மாற்றத் துக்கு வித்திட்ட ஒரு மத்திய அமைச்சர் என்ற உணர்வு ஏதுமின்றி அமைச்சரைக் களங்கப்படுத்துபவர்களுடன் கைகோத்த தொலைத்தொடர்பு தொழிற்சங்கங் களும், அதனுடைய தலைவர்களும் உண்டு!

இவ்வளவு பெரிய போராட்டக் களத்திலே அமைச்சர் ஆ.இராசா தனித்து விடப்பட்டு விடுவாரோ, என்று இந்திய நாட்டின் ஒட்டுமொத்த தலித் சமூகம் கலங்கிக் கொண்டிருந்த வேளையில், இப்பிரச்சினையில் ஆரம்பம் முதல் இன்றுவரை தோன்றாத் துணை யாக, தொட்டு அணைத்துத் தூக்கி நிறுத்திய தாயாய், தந்தையாய் இருந் தவர்கள் இரண்டு தலைவர்கள் - தந்தை பெரியாரின் நீட்டிக்கப்பட்ட வரலாறுகளாய் வாழ்ந்து கொண்டி ருக்கும், தமிழக முதல்வர் கலைஞர் அவர்களும், தமிழர் தலைவர் கி. வீரமணி அவர்களும்தான்.

விடுதலைச் சிறுத்தைகள் பொதுச் செயலாளர், அன்புச் சகோதரர் தொல். திருமாவளவன் அவர்கள், தலித் விரோத பார்ப்பனிய ஜாதிய வளையத் தின், சதிவலைதான் இந்தப் பொய்க் குற்றச்சாற்று என முழங்கியிருக்கிறார்.

மானமிகு மாண்புமிகு முதல்வர் கலைஞர் அவர்கள் வழங்கிய புரட்சி யாளர் என்ற பட்டம் ஆ.இராசா வுக்குப் பொருத்தமான பட்டம்! தந்தை பெரியார் மொழியில், சொல்வதென்றால், புரட்சி என்றால் புரட்டிப் போடுதல்!

ஒரு காலத்தில் செல் அழைப்புக் கட்டணம், தனியார் நிறுவனங்கள் மட்டும் இருந்த காலத்தில் ரூ.16. அதற்குப் பின் இருந்த அமைச்சர்கள் காலத்திலும் அழைப்புக் கட்டணம் ஒரு ரூபாய்க்குக் கீழே இறங்கவில்லை. இப்பொழுதோ வினாடிக்கு ஒரு பைசா, அம்மா, உங்களை பார்க்க நாளை வைகையில் வருகிறேன் என்று சென்னையில் இருக்கும் மகன், மதுரை யில் இருக்கும் தன் அன்னைக்கு ஒரு விநாடியில் சொல்லும் இந்தச் செய்திக்கு கட்டணம் ஒரு பைசா மட்டுமே!

இந்தக் கட்டணம் வந்த காலகட்டம், யாருடைய காலகட்டம்?

அமைச்சர் ஆ.இராசா அவர்களின் காலகட்டம் அல்லவா!

சமூகப் புரட்சியல்லவா!

சமூகத்தின் உயர்மட்டத்திலிருந்து, அடித்தட்டு மக்கள் வரை செல்பேசி சேவையை அனுபவிப்பது ஒரு சமூகப் புரட்சி அல்லவா?

தொலைத்தொடர்புத் துறையின் தொழிற்சங்கத் தலைவர்களும், அதி காரிகள், சங்கத் தலைவர்களும் வைத்த வேண்டுகோளை ஏற்று பி.எஸ்.என்.எல். பொதுத் துறையில் 74 சதவிகித பங்கு களை தனியாருக்கு விற்கும் முடிவை நிறுத்தி வைத்து, ஊழியர் நலத்துறையாக பொதுமக்கள் நலத்துறையை பி.எஸ். என்.எல். துறையை நிலை நிறுத்தியது ஒரு புரட்சி அல்லவா!

தந்தை பெரியார் அஞ்சல் உறை மத்திய அரசின் சார்பில் வெளியிடப்பட்டதும், அமைச்சர் ஆ.இராசா அவர்களின் கால கட்டத்தில்தான். கலைஞர் அவர்கள் பொருத்தமாகத்தான் பாராட்டியிருக்கிறார் ஆ.இராசாவை - புரட்சியாளர் என்று!

மாண்புமிகுவைப் பறிக்கலாம்! மானமிகுவைப் பறிக்க முடியுமா?

என்று தமிழர் தலைவர் அய்யா கி. வீரமணி அவர்களைத் தவிர, வேறு யாரால் இதுபோன்று கேட்க முடியும்!

இந்த ஸ்பெக்ட்ரம் பொய்க் குற்றச் சாற்றில், தலித் சமூகத்திற்கு ஆதரவாக நின்றவர்கள் யார்? எதிர்த்து நின்றவர்கள் யார்? என்பது தலித் சமூகத்துக்கும் தெரியும்!

அவர்கள் ஒன்றும் தெரியாத மூடர்கள் என்றோ, முட்டாள்கள் என்றோ யாராவது தப்புக்கணக்கு போடுவார்களேயானால், அவர்கள்தான் முட்டாள்கள்!

தலித் சமூகம் உறைந்துவிட்ட பனி மலை அல்ல! மாறாக, ஆறாத உள் நெருப்புடன் உறங்கும் எரிமலை!

அவர்களை எழுப்ப ஓர் அலாரம் அடிக்கும்! வெடித்துக் கிளம்பும் வெப் பத்துடன்! சரியான நேரத்துக்கு அவர்கள் விழிப்பார்கள்!

தேர்தல் என்னும் உணவுக் கூடத்தில், வெடித்து கிளம்பும் அந்த எரிமலையின் வெப்பத்தில், எரிக்க வேண்டியதை எரிப்பார்கள். சமைக்க வேண்டியதைச் சமைப்பார்கள்! படைக்க வேண்டிய வர்களுக்குப் படைப்பார்கள்!

கருஞ்சிறுத்தை கண் விழித்தால் தெரியும் சேதி! என்ற புரட்சிக்கவிஞரின் புரட்சி வரிகளின் வழியில் ஒரு சரித்திரம் நிகழும்!

நன்றி : விடுதலை

பெரியாரைப் போல் உலகில் ஒரு தலைவரைப் பார்க்க முடியாது இந்தியாவில் முதல் மனித உரிமைப்போர்-வைக்கம் போராட்டமே! - பரிதிஇளம்வழுதி முழக்கம்

வைக்கம் சத்தியாக்கிரக 85ஆம் ஆண்டு விழா 26.11.2010 அன்று வைக்கத்தில் நடைபெற்றது. அதில் கலந்துகொண்டு செய்தித்துறை அமைச்சர் பரிதி இளம்வழுதி ஆற்றிய உரை வருமாறு:

உணர்ச்சிமயமான இந்த நிகழ்ச்சியில் தலைமைப் பொறுப்பை ஏற்றிருக்கும் வைக்கம்தொகுதியின் சட்டமன்ற உறுப்பினர் கே.அஜீத் அவர்களே, முன் னிலை வகித்திருக்கும் கே.மதுமோகன் அவர்களே, அனில்குமார் அவர்களே, திருமதி கே.மேனகா அவர்களே, மூணாறு மோகன்தாஸ் அவர்களே, வர வேற்புரையாற்றிய திராவிடர் கழகத்தின் தலைமை நிலையச் செயலாளர் மானமிகு வீ.அன்புராஜ் அவர்களே, அறிமுக உரையாற்றிய திராவிடர் கழகத்தின் பொதுச்செயலாளர் அண்ணன் கவிஞர் கலி.பூங்குன்றன் அவர்களே, சிறப்புரையாற்ற வருகை தந்துள்ள கேரள தேவஸ்வம் அச்சுத்துறை அமைச் சர், மாண்புமிகு இராமச்சந்திரன் அவர்களே, நிறைவாக எழுச்சிமிகுந்த நிறைவுரையை வழங்க வுள்ள திராவிடர் கழகத்தின் தலைவர் ஆசிரியர் மானமிகு கி.வீரமணி அவர்களே, இந்த நிகழ்ச்சியில் கலந்துகொண்டு சிறப்புரையாற்ற உள்ள பெரு மக்களே, கேரள மாநிலத்தில் சமூகநீதிக்காக பாடு படும் பல்வேறு அமைப்புகளைச் சார்ந்த பெரியோர் களே, இந்த விழாவை சிறப்பாக நடத்துவதற்காக பல நாள்களாக பணியாற்றி வரும் தி.மு.க இலக்கிய அணியைச் சார்ந்த அண்ணன் சா.அமுதன் அவர் களே, கேரள மாநில தி.மு.க அமைப்பாளர் எம்.ஏ.மசூத் அவர்களே, கேரள மாநிலத்தைச் சேர்ந்த வைக்கம் சத்தியாக்கிரக ஆதரவாளர் குழுவினைச் சார்ந்த பொறுப்பாளர்களே, தமிழகத்திலிருந்து வருகை புரிந்துள்ள திராவிடர் கழக தோழர்களே, திராவிட முன்னேற்றக் கழக உடன்பிறப்புகளே, உங்கள் அனைவருக்கும் எனது கனிவான வணக்கத் தைத் தெரிவித்துக்கொள்கிறேன்.

என் வாழ்நாளில் குறிப்பிடத்தக்க நாள்

இன்று நடைபெறுகின்ற இந்த நிகழ்ச்சிக்கு என்னை தொடக்க உரையாற்ற அழைத்த ஆசிரியர் அண்ணன் மானமிகு கி.வீரமணி அவர்களுக்கு முதற்கண் எனது நன்றியைத் தெரிவித்துக்கொள் கிறேன். ஏனென்றால், இந்த வாய்ப்பு என் வாழ் நாளில் குறிப்பிடத்தக்க ஒன்றாகும். ஒவ்வொரு மதத் தினருக்கும் ஒவ்வொரு புனிதத் தலங்கள் இருக்கும். அந்த அடிப்படையில் சொல்லவேண்டுமானால் திராவிட இயக்கத்தினர் பெரியார் பிறந்த ஈரோட் டையும், பேரறிஞர் அண்ணா பிறந்த காஞ்சிபுரத் தையும், தலைவர் கலைஞர் பிறந்த திருக்குவளை யையும் புனிதத் தலங்களாக கருதிக்கொண்டிருக் கின்றனர். அந்த வரிசையில் வைக்கம் நகரமும் திராவிட இயக்கத்தினருக்கு மட்டுமல்லாமல், இந்தியா முழுவதுமுள்ள ஒடுக்கப்பட்ட மக்களுக்கு, சமூகநீதியை விரும்புகிற மக்களுக்கு புனிதத் தலமாக திகழ்கிறது என்பதை நான் பெருமையோடு எடுத்துக் காட்ட விரும்புகிறேன். இந்தியாவின் முதல் மனித உரிமைப் போர்

இந்தியாவில் முதல் மனித உரிமைப்போராக வரலாற்றாளர்கள் இந்த வைக்கம் நகரத்தில் நடந்த சத்தியாக்கிரக போராட்டத்தைத்தான் சுட்டிக் காட்டுகிறார்கள். வைக்கம் நகரத்தில் உள்ள ஒடுக் கப்பட்ட மக்களின் எழுச்சி மங்கிவிடாமல் தொடர்ந்து அந்தப் போராட்டத்தை நடத்திய தலை வராக தந்தை பெரியார் அவர்கள் இந்த மண்ணிற்கு வருகைதந்து வெற்றி பெற்றிருக்கிறார். அதனால் தான் அவரை தமிழ்த்தென்றல் திரு.வி.க அவர்கள் வைக்கம் வீரர் என்று அழைத்தார்.

வைக்கம் போராட்டம்தான் அம்பேத்கருக்குத் தூண்டுதல்

அண்ணல் அம்பேத்கர் அவர்களின் வாழ்க்கை வரலாற்றைப் படிக்கும்போது, அவர் நடத்திய மகத் என்னும் பொதுக்குளத்தில் நீரெடுக்கும் போராட் டத்திற்கே வைக்கம் சத்தியாக்கிரகம்தான் தூண்டு கோலாக இருந்திருக்கிறது என்பதை அறிய முடி கிறது. இந்த வகையில் இந்தியா முழுவதும் சமூகநீதி தழைத்தோங்க ஓர் உள்ளார்ந்த எழுச்சியையும், உணர்ச்சியையும் ஊட்டக்கூடிய போராட்டமாக திகழுகின்ற வைக்கம் சத்தியாக்கிரகப் பேராட் டத்தின் 85ஆம் ஆண்டு விழா கொண்டாடப்படுவது மிகவும் முக்கியமானதாகும். அந்தக் கடமையைச் செய்த ஏற்பாட்டாளர்களுக்கு எனது நன்றியை மீண்டும் தெரிவித்துக்கொள்ள விரும்புகிறேன்.

உலக வரலாற்றில் இப்படி ஒரு தலைவரைப் பார்க்க முடியுமா?

சமூக ஒடுக்குமுறைகளுக்கு எதிராக ஒடுக்கப்பட்ட சமூகத்தில் பிறந்த ஒருவர் எதிர்ப்புக்குரல் கொடுப்பது என்பதும், போராட்டத்தில் குதிப்பது என்பதும் இயற்கையான ஒன்றாகும். ஆனால், ஒடுக்கப்பட்ட சமூகத்தில் பிறக்காத தந்தை பெரியார் அவர்கள் அந்த மக்களுக்காக தன்னுடைய மாநிலத்தைவிட்டு அண்டை மாநிலத்திற்கு வந்து போராட்டத்தை உக்கிரமாக நடத்தியிருக்கிறார் என்ற வரலாற்றைப் படிக்கும்போது, உலக வரலாற்றில் இப்படி ஒரு தலைவரை இதுவரை பார்த்திருக்க முடியாது என்கிற மலைப்புதான் நமக்கு ஏற்படுகிறது. தான் மட்டுமல்லாமல், தன்னுடைய மனைவி நாகம்மையாரையும், தங்கை கண்ணாம்மாளையும் இந்தப் போராட்டத்தில் ஈடுபடுத்தி, பொது வாழ்க்கைக்கு பெண்கள் துணிந்து வரவேண்டும் என்ற ஊக்கத்தையும் தந்தை பெரியார் அவர்கள் வழங்கிய காரணத்தினால்தான், இன்றைக்கு அரசியல் மற்றும் சமுதாயத் துறைகளில் பெண்கள் ஈடுபட்டு வருகிறார்கள்.

தனிக்கிணறு அமைப்பது தவறு

தீண்டாமை ஒழிப்பில் மிகுந்த தீவிரமாக தந்தை பெரியார் அவர்கள் ஈடுபட்டார் என்பதற்கு பல்வேறு உதாரணங்களைச் சொல்ல முடியும். அன்றைய இராமநாதபுரம் மாவட்டத்தில் சிறாவயல் என்ற கிராமத்தில் தாழ்த்தப்பட்ட வர்களுக்கு தனிக்கிணறு அமைத்து அதனைத் தொடங்கி வைக்குமாறு தந்தை பெரியார் அவர்களைக் கேட்டிருக்கிறார்கள். ஆனால் தந்தை பெரியார் அவர்கள் அந்த ஊருக்கே போய் பொதுக் கிணற்றில் தாழ்த்தப்ட்டவர்கள் தண்ணீர் எடுக்க வேண்டுமே தவிர, அவர்களுக்கென தனிக்கிணறு அமைப்பது தவறு, என்று கூறியிருக்கிறார். அதுமட்டுமல்ல, தன்னுடைய குடி அரசு ஏட்டில், தாழ்த்தப்பட்டவர்களின் விடுதலைக்காக தொடர்ந்து குரல் கொடுத்து வந்திருக்கிறார். அந்த மக்களின் உணர்வுகளை எல்லாம் செய்திகளாக வெளியிட்டிருக்கிறார். அண்மையில், குடி அரசில் வெளிவந்த ஒரு செய்தியை படிக்க நேர்ந்தது.

1928 குடி அரசில் ஒரு செய்தி

1928ஆம் ஆண்டு மார்ச்சு மாதம் 8ஆம் நாள் குடிஅரசு இதழில் ஒரு செய்தியை தந்தை பெரியார் அவர்கள் வெளியிட்டிருக்கிறார்கள். சென்னை தங்கசாலை தெருவிலுள்ள சுப்பிரமணியர் கோவிலுக்குள் அப்போதெல்லாம் ஆதிதிராவிடர் களை உள்ளே அனுமதிப்பதில்லை. அந்தத் தடை இருந்த காலகட்டத்தில், ஒரு ஆதிதிராவிட பெண் தைரியமாக கோவிலுக்குள்ளே சென்று அங்கேயி ருக்கும் குருக்களிடம் மிகுந்த கோபத்துடன், சாமி கும்பிட வந்தேன், இதோ இருக்கும் தேங்காய் பழத்தை வைத்து, கற்பூரத்தைக் கொளுத்திக் காண்பியுங்கள் என்று சொல்லி யிருக்கிறார் குருக்களால் ஒன்றும் செய்ய முடியவில்லை. வேறு வழியில்லாமல், அவரும் பூஜை செய்து அனுப்பி யிருக்கிறார்.

வீர ஆதி திராவிடப் பெண்

இந்தச் செய்தியை ஆலயம்புகுந்த வீர ஆதிராவிடப்பெண் என்று தலைப்பிட்டு தந்தை பெரியார் அவர்கள் வெளியிட்டிருக்கிறார்கள். இப்படி தான் மட்டுமல்லாமல் தன்னுடைய கொள்கையை யார் நிறைவேற்றுவதற்கு பாடு பட்டாலும், அவர்களை தூக்கிப் பிடிக்கும் ஒரு போராளியாக தந்தை பெரியார் அவர்கள் திகழ்ந்திருக்கிறார்கள்.

அம்பேத்கரையே அறிமுகப்படுத்தியவர்

வட இந்தியாவில், தாழ்த்தப்பட்ட மக்களுக்காக பாடுபட்ட அண்ணல் அம்பேத்கர் அவர்களை தென்னகத்திற்கு அறிமுகப்படுத்தியவரே தந்தை பெரியார் அவர்கள்தான், அம்பேத்கர் அவர்களின் ஜாதியை ஒழிக்க வழி என்னும் நூலை அவரிடமிருந்தே பெற்று தமிழில் வெளியிட்டவர் தந்தை பெரியார் அவர்கள்தான்.

சென்னை வந்திருந்த அம்பேத்கர் அவர்களிடம், தாழ்த்தப்பட்டோர் அமைப்பைச் சேர்ந்த சிலர் தங்கள் தலைமையில் அமைப்பை ஏற்படுத்தலாம் என்றிருக்கிறோம் என்று கேட்டபோது, அம்பேத்கர் அவர்கள் உங்களுக்காக போராடத்தான் இங்கே பெரியார் இருக்கிறாரே, நான் எதற்கு? அவர் தலைமையில் போராடுங்கள் என்று கூறியிருக்கிறார்.

இந்த அளவுக்கு தந்தை பெரியார் அவர்களும், அண்ணல் அம்பேத்கர் அவர்களும், ஒருவருக் கொருவர் நல்ல புரிதலோடு ஒடுக்கப்பட்ட மக்களுக்கான விடுதலையைப் பெற்றுத்தர போராடியிருக்கிறார்கள்.

முதல்வர் கலைஞர் தமிழர் தலைவர் கி.வீரமணி

அவர்களின் தொடர்ச்சியாகத்தான், தமிழகத்தில் திராவிட முன்னேற்றக் கழகத்தின் தலைவர் கலைஞர் அவர்களும், திராவிடர் கழகத்தின் தலைவர் ஆசிரியர் வீரமணி அவர்களும் இன்றைக்கும் ஒடுக்கப்பட்ட மக்களுக்காக குரல்கொடுக்கும் சக்தியாகத் திகழ்கிறார்கள். தமிழகத்தைப் பொறுத்தவரையில், திராவிட இயக்கம் ஆட்சிப் பொறுப்பேற்ற பின்னர் இந்தியாவில் வேறு எந்த மாநிலத்திலும் இல்லாத அளவிற்கு தாழ்த்தப்பட்ட மக்களுக்கான பொருளாதார மேம்பாட்டுத் திட்டங்களையும், கல்வி வழங்கும் திட்டங்களையும், சமூக உரிமைகளை அளிக்கும் சட்டங்களையும், உள்ளாட்சியில் அதிகாரத்தைப் பகிர்ந்தளிக்கும் நடைமுறைகளையும் அரசியலில் எல்லா மட்டங்களிலும் தாழ்த்தப்பட்ட மக்களுக்கு உரிய பங்களிப்பையும் வழங்கி, இந்தியாவிற்கே முன்னுதாரணமாக திகழ்ந்துகொண்டிருக்கிறது என்பதை நான் பெருமையோடு தெரிவித்துக் கொள்ள விரும்புகிறேன். அதாவது எந்தச் சமுதாயத்தைச் சார்ந்தவர்களை அன்றைக்கு தடுத்து நிறுத்தினார்களோ அந்தச் சமுதாயத்தைச் சார்ந்த ஒருவர் அமைச்சராக (கேரள அமைச்சர்) இங்கு உள்ளார். அதே போல அதே சமுதாயத்தைச் சார்ந்த இந்த தொகுதியின் சட்டமன்ற உறுப்பினரும் இங்கு உள்ளார். அதே சமுதா யத்தைச் சார்ந்த நான் (பரிதி இளம் வழுதி) தலைவர் கலைஞர் தலை மையிலே அமைச்சரவை யில் இடம் பெற்றுள்ளேன் என்பது பெருமை அளிக் கக்கூடிய செய்தியாகும்.

இந்த வகையில், சமூக நீதியை முழுமையாகப் பெற்றுத்தர இடைய றாமல் பாடுபடும் திராவிட இயக்கத்தின் அரசியல் வடிவமான திராவிட முன் னேற்றக் கழகத்தின் பிரதி நிதியாக இந்த நிகழ்ச்சியில் கலந்துகொண்டதில் உள்ளபடி நான் பெருமை அடைகிறேன். இன்னும் சமூக தளத்தில் ஒடுக்கப் பட்ட மக்கள் பெற வேண்டிய எல்லா உரிமை களையும் பெறுவதற்கான போராட்டத்தை தொடர்வதற்கு இத்தகைய நிகழ்ச்சிகள் நமக்கு உணர்ச் சியையும், எழுச்சியையும் தரும் என்பதில் எந்த வித அய்யமும் இல்லை என்று கூறி, இந்த எழுச்சிமயமான வைக்கம் சத்தியாக்கிரக 85ஆம் ஆண்டு விழாவைத் தொடங்கி வைத்து அனைவருக்கும் நன்றி கூறி விடைபெறுகிறேன். நன்றி, வணக்கம். -இவ்வாறு அமைச்சர் பேசினார்.